Socialistas na Vangarda

Non puido ser...

2009-03-02T15:46:00.002+01:00

O Partido Popular gañou aplastantemente as eleccións en Galicia. Non puido ser... e entre bágoas e pesadume tivemos que escoitar ao noso Presidente dimitir coma Secretario Xeral do PSdeG.

Asume a responsabilidade de non ter sabido manexar mellor a xestión da Xunta, unha xestión que non só era a nosa responsabilidade, senón que os nosos socios do BNG contribuiron coas súas andanzas a afundir esta barco que era de todos.

Mala sorte, pero non remata aquí, seguiremos dende a oposición dando qué falar.

¡Moito ánimo!

A uns días dos comicios...perdemos fuelle

2009-02-25T13:21:00.001+01:00

Non nos enganemos, as cousas non van ben.

As enquisas non arroxan os resultados que se esperaban tras 4 anos de goberno. O Partido Popular písanos os talóns, se é que xa non nos pisan algo mais, e mentres eles están mergullados na euforia e se sinten gañadores, nós non damos todo o que se agardaba.

Algo falla, ¿falla a mensaxe?, ¿falla a imaxe? ¿fallan os candidatos? ...

Mal lema para un goberno de coalición

2009-02-20T16:29:00.000+01:00

O PSdeG non anda moi espabilado escollendo os seus lemas de campaña.

Dende logo nós pensamos que a empresa encargada de facelo, non está moi ao tanto da historia.

É de dominio público que ao Presidente cústalle moito entenderse ás veces co líder do BNG e Vicepresidente da Xunta, de xeito que as rifas dos dous quedan evidenciadas nos xornais.

Sabendo iso... empregar o lema "Galicia fai que nos entendamos..." da a sensación de que eles sós non se poden nin ver e que teñen que facer grandes esforzos en apelar a Galicia para que ese entendemento sexa posible, ás veces...

Desafortunado lema... non causa boa impresión aos votantes.

Unha explicación pouco convincente

2009-02-19T12:04:00.004+01:00

"Así o establecen as leis vixentes e sobre todo a Constitución, que consagra os partidos políticos como o instrumento fundamental para a participación política, como expresión do pluralismo e da vontade popular, en definitiva como a vía a través da cal a cidadanía canaliza as súas inquedanzas e propostas para que se lles dea resposta."

Esta responsa é a que deu Touriño á pregunta que un cidadán lle formulou no xornal A Voz De Galicia de hoxe, referida a por qué as listas seguen sendo pechadas.

Pouco atinou coa resposta, mais fino andivo o noso rival do PP, que deixou aberta unha porta para reformular o sistema nun futuro, mentres que nós, temos que resignarnos a que Touriño nos meta con calzador á súa candidata estrela na lista de Pontevedra, que para moitos militantes é estrelada, e que segue a causar certa incomodidade nas bases, mais que incomodidade, enoxo.

O noso socio Quintana, que tampouco o tivo fácil para elaborar as listas, con dimisións de candidatos incluidas durante o proceso, non quixo do mesmo xeito deixar ningunha posibilidade a non ter o poder para botar fora do BNG aos seguidores de Beiras e compañía, de maneira que tamén pechou a porta con chave.

Se a lista fose aberta, de seguro que a número 2 non levaría o noso voto...

Agora resulta que é un teatriño

2009-02-18T23:58:00.000+01:00

Pois vai ser que isto da política é un gran escenario con títeres bailando nel, como parece insinuar Feijoo cando se refire ao debate a tres na TVG como un "teatriño".

Aínda que nós dende o primeiro intre mantivemos que nos gustaría presenciar un face to face entre Touriño e o candidato popular, coidamos que é mais interesante un trío que quedar a dúas velas.

Feijoo rexeita asistir a un debate a tres alegando que é un dous contra un inxusto nun proceso electoral que debe caracterizarse por unha igualdade de oportunidade para todos no que se refire ó acceso ao electorado. Pero tamén é certo que unhas elecións onde se xoga moito sen debate dos candidatos é coma se imos a Atenas e pasamos de largo sen visitar a Acrópolis... pois semella que falta algo, que queda algo importante atrás.

O que nos extrana bastante é que o resto de partidos non esixan participar tamén nun debate, aínda que sexa entre os minoritarios... semella que xa están resignados a non sacar representación...

A nova resignación do socialismo galego

2009-02-17T13:08:00.000+01:00

O Partido Socialista está sufrindo unha nova crise de identidade como xa sufriu mais atrás.

Agora resulta que hai que resignarse a acadar os escanos que tiñamos nesta lexislatura que se vai, por mor de poder manternos na Xunta de Galicia 4 anos mais pactando cos nosos socios de goberno.

Temos que entender entón que o pacto de goberno xa se produciu implícitamente, pero se é así, ¿cáles son os seus termos? ¿Non temos dereito os militantes a coñecer as regras deste xogo de face-las veiras aos nacionalistas sen contar con nós?

I é que entre as bases se está calentando a cousa, xa que moitos socialistas non ocmparten este pacto co BNG e están por facer unha folga de brazos caídos durante a campaña.

Non existe un entendemento, porque ninguén llelo explicou, dos motivos polos que non podemos facer campaña en solitario, senón que xa imos collidos da man do Bloque, que por outra banda, non se cortou moito en atacarnos a nós na precampaña electoral.

Que nolo expliquen, por favor!

O Presidente

2009-02-16T22:45:00.000+01:00

Volverá o Bipartito

2009-02-14T00:18:00.001+01:00

Estos días coñeciamos a enquisa feita polo CIS onde puidemos alegrarnos coa nova de que o PPdeG non conseguirá a maioría absoluta quedándose a 2 escaños.

E iso significa que Emilio Perez Touriño volverá a ser presidente da Xunta de Galicia, presidente de todos os galegos e galegas coa axuda do BNG. Esperemos que a enquisa sexa unha realiadade e que as negociacións co equipo de Quintana poidan ser efectivas.

Por outra banda, Touriño é o lider máis coñecido entre os galegos e é o lider con mellor valoración por enriba de Feijoo e Quintana sucesivamente. E iso é froito da boa imaxe e chegada que está a levar a cabo o gabinete de comunicación de Touriño.

Agora quedan dúas semanas. Dúas semanas de traballo e de convencimento. Dúas semanas de movilización e de demostrar o PSdeG tamén é capaz de encher unha praza de touros como fixo hoxe o PP.

Touriño, o presidente de todos os galegos!

O Presidente acórdase da xuventude no pistoletazo de saída da campaña

2009-02-13T12:34:00.000+01:00

Con este ambiente tan lúdico e moderno, propio de era dixital, daba o PSdeG o pistoletazo de saída desta campaña eletoral que no pode rematar doutro xeito que non sexa coa reedición do Bipartito.

A media luz

2009-02-11T00:32:00.000+01:00

Hoxe fíxoxe pública a decisión do goberno de levar a cabo a proposta polo que o goberno regalará bombillas de baixo consumo para diminuír a tarifa da luz das familias españolas.

A medida púxoxe en marcha nas oficiñas de Correos da comunidade aragonesa pero a idea e facelo extensible en todo o país.

A idea non é mala pero a pregunta que nos facemos é se será rentable para as rendas públicas mercar millóns de bombillas de baixo consumo. Asi mesmo, non será máis eficiente chegar a un acordo coas principais industrias eléctricas para que baixen a tarifa que gastar millóns de euros na compra.

Será unha pregunta que lle faremos a Zapatero no peche da campaña en Vigo.

E será Feijoo o que ten medo

2009-02-10T20:30:00.002+01:00

Será que ao final nos equivocamos, e Feijoo, que de primeiras se vía moi envalentonado, pedindo debates a dous, agora será él o que non acuda á cita que ten cos galegos no debate da TVG o día 20.

Non nos valen as excusas.

O PP mantén que non se cumpren as condicións esixidas, mais nós dubidamos de que sexa iso, e que o candidato da oposición négase a que o xulguen ante a cidadanía polas trapalladas do seu partido en Madrid.

Pois ben, ese reto que lle lanzou ao Presidente dun debate en Vigo e só sobre Vigo non nos convence, seguimos na teima de que de non poder ser un debate a dous, deberá ser a tres, pero sobre toda Galicia, e non sobre un rincón somentes.

O BNG contra quén fai campaña?

2009-02-09T16:52:00.002+01:00

Tiñamos pensado que o BNG facía campaña contra o Partido que pode impedir que se reedite o Bipartito, o PP, mais temos a sensación de que estamos perdendo de vista o obxectivo marcado de volver gobernar.

Simplemente, sabemos que o BNG non conta con apoios fora de Galicia, que o voto emigrante nunca lles reportou ningunha alegría e que están facendo todo o pasible por desacreditar o proceso electoral no exterior, calificando de vergoñentas as visitas do noso candidato a Arxentina e Uruguay.

Antes de abrir a boca para soltar sapos, os nosos compañeiros de viaxe na Xunta deberían saber que tódolos votos que obteña o Partido Socialista, en realidade non teñen que consideralos axenos a eles. Mais temos visto que desexan aumentar un Escano aínda que sexa a costa de enrarecer aínda mais as súas relacións connosco...

Ao final, restrínxese o sufraxio aos emigrantes

2009-02-07T20:19:00.000+01:00

Gaña o PP, e moitos emigrantes non poderán exercer o seu dereito a votar o 1 de marzo por mor de carecer dun documento que acredite a súa identidade á hora de emitir o voto.

Aínda que nun principio se pensou na posibilidade de emitir Pasaportes provisionais directamente nos consulados cunha validez de 6 meses, ao final, A Xunta Electoral Central non o permite.

Unha vez mais teremos que lamentar que as ansias de darlle garatías ao voto emigrantes, remate co dereito dos mesmos a emitir unha opinión sobre o que ocorre en Galicia mediante unha papeleta.

Lamentamos que isto sexa así, e veremos moi mermada a participación provinte da diáspora, que Touriño pretende ter en conta no novo Estatuto de Autonomía.

Eramos poucos... e pariu a avoa

2009-02-05T17:52:00.000+01:00

http://www.lavozdegalicia.es/galicia/2009/02/05/0003_7508499.htm

Somos conscientes de que o BNG é a única posibilidade real que temos nós de continuar no goberno da Xunta de Galicia.

Mais creemos que non todo vale con tal de estar no poder. Precisamente é o que nós defendiamos antes de acceder á Presidencia, e non estamos dispostos a que 13 Deputados sexan a causa do noso fracaso en Galicia. A transparencia e o bo facer son imprescindibles para renovar ese contrato cos votantes ao que aspiramos o 1 de marzo.

A confianza dos galegos e galegas foi o noso maior agasallo en 16 anos, e de repente pende dun fío por mor da mala actuación dos nosos socios.

Todo isto é a campaña perfecta para o PP, con cousas así non fai falla que se molesten en facernos contracampaña, nós nos bastamos. Por favor, que alguén poña cordura na parte do pacto que non entendeu o espíritu do goberno do Progreso.

Comezan as obras do AVE a Vigo

2009-02-04T17:57:00.006+01:00

A ministra de Fomento, Magdalena Álvarez, anunciou hoxe que a próxima semana comezarán as obras do túnel de A Madroa, o acceso do tren de alta velocidade a Vigo.

O que nos sorprende e que ven a "inaguralo" a Vicepresidenta do Goberno, De La Vega. Outra dúbida que nos xorde é se a inauguración vaise facer antes do comezo da campaña electoral porque doutra maneira teremos que escoitar ó PP dicindo que facemos inauguración en plena campaña electoral.

Pero en resumidas contas, o AVE a Vigo vai ser unha realidade, Touriño comprometeuse a que estivera en funcionamento no ano 2012 e vai a cumprilo.

E seguen os louxos

2009-02-03T23:03:00.004+01:00

Por desgracia a información que imos a dar agora xa está en boca de todos así que o millor case vai ser pasala de puntillas.

A Xunta de Galicia gastou máis de 165.000 euros no mobiliario de tres salas do edificio administrativo de San Caetano. Por outra banda, a Consellería de Política Territorial destinou 337.786 euros para a renovación do mobiliario de varias das súas dependencias.

Con estes número case mellor non dicir nada e máis se desglosamos os gastos:

A Conselleira de Política Territorial, María José Caride, gastou 50.000 euros en adquirir cadeiras para sendos despachos. As cadeiras custaban case 2.000 euros cada unha. Ademáis 58.000 euros foron parar á compra de mesas, alas e caixoneiras e 69.500 euros para arquivos compactos da mesma secretaría. Se facemola suma danos 227.500 euros...
A Dirección Xeral de Urbanismo tampoco quedou de balde, Política territorial destinou 17.417 euros e tres lotes por valor de 50.898, 17.417 e 24.554 euros respectivamente como suministros complementarios ó de "adquisición de mobiliario para as dependencias" desde departamento. En total danos 110.276 euros.

Hai veces que creo que por máis tropecemos na mesma pedra non aprendemos. Espero que a oposición non saiba explotar estos datos.

Anxo Quintana segue con dedos metidos no enchufe

2009-02-03T12:43:00.000+01:00

O Vicepresidente, unhas veces membro do Bipartito e outras veces parace que só membro do BNG, volve ás andadas con algo que non nos vai axudar o 1 de marzo en nada.

Como non lle era suficiente con deixar fixos na Administración pública a 300 persoas do BNG, mediante un proceso de oposicións que ata os nosos votantes tildaron de tongo, volve sacar outras 45 prazas coa excusa de que é uha convocatoria complementaria da do 2008.

Parece que iso do que presumía nos almorzo da primeira cadea non é o seu forte, e a transparencia e equidade que defende a esquerda no acceso a postos de traballo públicos, estase vendo substituida por un carné político.

Nós queremos desmarcarnos deste ataque aos nosos principios, dun socio de goberno que parece que ten medo a perder, que ten que facer agora o que podería facer mais adiante sen tanto rebumbio.
Queremos desmarcarnos daquel que non fai mais que darlle razóns ao PP para deixarnos en evidencia, dalguén que non sabe controlar os seus temores nin o seu temple nun período decisivo para os dous Partidos, PSdeG e BNG, e volver ser quen de reeditar o Bipartito.

Touriño enfádase con Pepiño

2009-02-01T20:55:00.004+01:00

E é o normal. Loxicamente ningún de nós estamos contentos coa decisión da Xunta Electoral Central de invalidar os votos dos emigrantes que non vaian con copia de DNI ou pasaporte, pero o que non podemos é facelo público.

Touriño está moi enfadado coa decisión do seu partido, en especial coa de Pepe Blanco de impugnar ante o Supremo esta decisión. Asegurou que isto só servirá para darlle a razon ó PP e para aumentar a “mala prensa” e terá resultados negativos nas eleccións do 1 de Marzo.

A súa opinión xa foi trasladada tanto ao vicesecretario xeral do PSdeG, Ricardo Varela, coma ao número 2 do PSOE, José Blanco, a quen responsabiliza desta situación porque é a voz mediática do partido.

Ben é certo que coa nova normativa haberá un 40% de electores que votaron nos comicios pasados que non o poderán facer desta volta e iso nos supón unha clara desvantaxa porque o voto da emigración convertérase en feudo socialista.

O Secretario de Organización do PSOE debe deixar un maior protagonismo a Touriño que sabe moi ben o que quere e como o quere.

O intento de Rosa Díez

2009-01-31T15:14:00.001+01:00

A prepotencia coa que a ex-socialista Rosa Díez viu a Galicia a auto cualificarse de "clave para o futuro de Galicia" deixounos apampanados.

Esta señora, que deixou plantado ao partido ao non acadar o seu obxectivo de lograr a Secretaría Xeral do PSOE, empregando coma excusa o política antiterrorista do Partido Socialista, pretende dar leccións aos galegos con propostas copiadas dos "biligües", ou con ideas-lumbrera como a unificación das 3 universidades galegas nunha soa.

Dende logo, nunca é tarde para sorprenderse, e ben é certo que esta socialista que agora renega dos seus ideais, apoiou o que agora di que rexeita: a preponderancia do idioma da Autonomía sobre o castelán.

Vemos cómo o único que ten Rosa Díez son palabras, xa que feitos que a respalden non ten moitos.

Será que agora atopou un filón con iso do idioma e ven a Galicia a intentar roubarlle uns cantos votos ao partido que lle deu a oportunidade de ser o que hoxe é.

Veremos cánto convence ao electorado.

Finalmente será un, e con tres

2009-01-30T13:12:00.001+01:00

Xa está pactado o debate que haberá na campaña electoral.

Finalmente será un só debate e con tres participantes: Touriño, Feijoo e Quintana. O líder dos nosos socios de goberno non deu o brazo a torcer e non permitiu que o debate fose a dous, como pretendía Feijoo ou nós mesmos.

O debate será na TVG, a televisión de tódolos galegos e galegas o día 20 de febreiro, e non haberá encontro na Arxentina como sospeitabamos. Unha mágoa...

Continúa o boicot ao voto emigrante

2009-01-30T13:05:00.000+01:00

Xa é definitivo: a Junta Electoral Central (JEC), decidiu onte que cederá ante as presións do PP para invalidar calquera voto provinte do exterior que non adxunte unha fotocopia do DNI, Pasaporte ou Certificado de nacionalidade.

Desta forma se restrinxe un pouco mais o dereito ao voto dos emigrantes, que non poderán exerce-lo seu dereito ao voto se carecen destes documentos acreditativos.

A excusa é que deste xeito se controla mais que non voten os mortos... tremenda parvada.

Está claro que o que pretende a Oposición é minimizar os danos que o voto emigrante lle vai producir ao seu partido, pero nós agardamos que o PSdeG cumpra co seu anuncio e que recurra esta decisión para futuras votacións, xa que o sufraxio é universal, e a universalidade non debe estar condicionada a estar en posesión de documentos que moitos non teñen.

Preséntase a lista de Pontevedra sen Touriño

2009-01-30T12:53:00.002+01:00

Antonte presentouse no Hotel Pazo dos Escudos a lista definitiva do PSdeG para a provincia de Pontevedra de cara as inminentes eleccións do 1 de Marzo. E sorprendentemente faltou o presidente, Emilio Pérez Touriño.

Foron moitos os presentes que non entendemos porque Touriño non estivo onte na presentación da candidatura. Moitos afiliados e simpatizantes se desplazaron ata o hotel de cinco estrelas para poder ver de cerca ó candidato e actual presidente da Xunta de Galicia.

Nunha rolda de prensa posterior Touriño dixo que o motivo da súa inasistencia foi darlle un maior protagonismo á número dous pola provincia, a Conselleira de Política Territorial, María José Caride, quen non contou co apoio suficiente das bases do partido durante á conformación das listas.

Sexa certo ou non, hai que recoñecer que a falta de Touriño foi unha decisión equívoca pola súa parte posto que a súa simple presencia otorgáballe maior importancia e representatividade á presentación das litas que desta banda case pasaron inadvertidos pola prensa.

¿Propaganda eletoral na web da Xunta?

2009-01-29T15:44:00.002+01:00

O Movemento pola igualdade no emprego público, acusou á Xunta de Galicia presidida en funcións por Emilio Pérez Touriño, de empregar a páxina web oficial para facer propaganda electoral, e subvencionar así a campaña electoral que o PSdeG e o BNG están a facer por mor das eleccións autonómicas.

Este Movemento non sabemos moi ben por quén está dirixido, aínda que nolo imaxinamos, posto que na web da Xunta da Galicia non existe propaganda partidista.

Antes de acusar a ninguén con cousas tan absurdas, deberían asegurarse primeiro de que non meten a pata...

¿Haberá debate na Arxentina?

2009-01-28T23:59:00.000+01:00

Agora a polémica do debate a dous entre Feijoo e Touriño xa non é en Galicia, senón en Arxentina.

Da a casualidade de que os dous candidatos coincidirán no principal país que alberga a emigrantes galegos, tendo así a posibilidade de debater no estranxeiro o que non debaten aquí.

Nós seguimos insistindo, ante as críticas que está levantando esta cuestión no PP e en determinados sectores da opinión pública, en que o noso candidato non debe permitir que se lle tache de cobarde ante un reto dialéctico co seu homólogo popular.

Se ese duelo se produce, nós nos temos dúbida de quén sairá vencedor, e polo tanto non hai que agocharse fora para facer o que hai que facer aquí.

Se se volve plantexar, que o medo non nos volva cara atrás.

Álvarez Cascos perde o norte

2009-01-27T19:50:00.001+01:00

O ex-vicepresidente do goberno na época popular, Álvarez Cascos está a perder a cabeza co paso do tempo. Nunhas declaracións feitas onte acerca das vindeiras eleccións autonómicas na nosa comunidade dixo que Galicia estaba nunha situación de "extrema inxustiza posto que en Galicia non goberna quen gaña".
Chegou a dicir algo así como que "en Galicia arrasa o PP e que non goberna". Nós queremos pensar que as súas lides amorosas son as que lle fan perdelo sentido de vez en cando.

Veremos haber que pasa en pouco máis de un mes.

A muller de Paco Vázquez posta en tela de xuicio pola xustiza

2009-01-27T15:45:00.007+01:00

A Axencia Española de Protección de Datos iniciou un procedemento sancionador contra a muller de Paco Vázquez, por unha posible infracción da Lei de Protección de Datos e podería enfrontarse a unha multa de ata 300.000 euros.

O Movemento polos Dereitos Civís (MPdC) presentara en xullo de 2007 unha queixa perante a AEPD en relación cos dispositivos de vídeo-vixilancia instalados na casa que Paco Vázquez, actual embaixador de España en O Vaticano, e a súa dona, María del Carmen de la Iglesia Illanes, teñen na coruñesa Rúa do Parrote.

As cámaras estaban situadas no exterior da vivenda e apuntaban cara a vía pública; ademais non estaban convenientemente sinaladas segundo indica a Lei, nin se informaba ós afectados do procedemento de acceso e cancelación dos seus datos.

Isto agravouse dado que Paco Vázquez non chegou nunca a firmalo contrato coa empresa de vixilancia polo que as imaxes formarían parte a título do contratante, neste caso a familia Vázquez, velaquí o agravante.

Dende aquí queremos salvaguardala imaxe dun dos principais valedores do noso partido e alcalde da Coruña durante máis de dúas décadas.

Touriño.TV define ao candidato

2009-01-27T11:40:00.000+01:00

http://www.xn--tourio-0wa.tv/?speed=1276

Na páxina web habilitada para estas eleccións autonómicas nas que Emilio Pérez Touriño se presenta como candidato, José Ramón Fernández define ao noso Secretario Xeral como o Presidente que Galicia precisa para traballar xuntos pola modernización e polo impulso á sociedade galega.

Zapatero supera a crise dos parados

2009-01-26T23:44:00.005+01:00

Zapatero tivo hoxe o seu debate máis difícil dende que ocupa a presidencia do goberno. Nada máis e nada menos que tratar de dar resposta ás enormes preocupacións e inquedanzas dos cidadáns españois neste momento de "profunda" crise. E digo "profunda" entre comillas porque ó fin recoñeceu publicamente que estamos a pasar un momento de fonda desaceleración e incertidume financeira e económica.

E como nos ten acostumados, non o fixo mal. Eso si, pasouno peor que a primeira vez que acudiu a "59 segundos". E é que as cousas non están ben, segundo Zapatero recoñeceu.

As preguntas comezaron ben quentes. Sucedíanse unha tras outra e todas versaban sobre o mesmo tema: a crise económica e o paro. O noso presidente culpou en máis dunha ocasión ós Estados Unidos como causante do efecto dominó que provocou que hoxe haxa en España máis de tres millóns de parados.

Zapatero dixo que debiamos confiar en España, nas gañas de saír adiante e de traballar dos cidadáns e da sociedade española. Outra cousa que negou taxantemente é que o goberno non lle regalou diñeiro ós bancos.

O demáis xa é historia, a nena con sindrome de down, a parada que lle pedía empleo ou o xubilado que afirmou non chegar a fin de mes, quedará nunha anécdota a partir de mañá, cando todos e todo se esqueza.

Me pido as Galescolas!!

2009-01-26T15:50:00.002+01:00

Touriño xa deixou sobre a mesa a necesidade de que as Galescolas sexan unha competencia da Consellería de Educación, e non da Vicepresidencia, como está agora mesmo.

Todos sabemos o que lle gusta a Quintana meterse en campos que lle reporten beneficio electoral, e a Educación infantil é un filón que colleu e que se apropiou sen ningún sentido común, por outra banda. Xa que as guarderías son unha cousa que sempre dependeu de Educación e é incoherente que siga sendo o responsable de Igualdade e Benestar o encargado de xestionalas.

Nós xa fai tempo que o viñamos mantendo, pero a culpa de que o sangue chegase ao río co tema das Galescolas é só nosa, por permitir que o BNG fixese delas un fervedoiro de aleccionamento nacionalista. Tiñamos que saber xa no seu momento que isto nos perxudicaría electoralmente, e agora que se palpa ese perxuizo, xa era hora de reaccionar.

Agardamos que ese trasvase de competencias da Vicepresidencia á Consellería de educación, se faga no menor tempo posible, para reparar o dano feito nisto.

Segue a parecernos unha desfeita

2009-01-24T13:34:00.003+01:00

O PP xa pechou as súas candidaturas nas 4 provincias, e nós aínda andamos dando tumbos coma un partido de segunda división.

O peor de todo non é iso, senón que o feito ata o de agora non fai mais que agravar o descontento dos sectores importantes de Galicia, e, en concreto de Pontevedra.

Ao deixar a Dolores Villarino fora das listas están a ningunear a unha grande loitadora do PSdeG que exerceu un gran papel de Presidenta do Parlamento e de Deputada durante moitos anos.

Os apoios cos que conta esta gran militante e defensora dos ideais socialistas son demasiados para que pase indiferente este xeito de obviala e sustituila por unha recén chegada e protexida do Presidente, aínda non temos claro por qué tanto proteccionismo con ela.

O tirón que ten na cidade de Vigo non é demasiado grande, e o seu carisma ás veces agóchase para non atopalo nin cun aparato de raios X.

Sinceramente, non o entendemos, e visto o ambiente de tensión e tirantez que existe no Partido en Vigo por isto que moitos consideramos un atropelo, non sabemos a repercusión que terá nos resultados electorais.

Dende logo, xa temos algunha noticia de certos sectores que están facendo campaña polo voto en branco...

Quén puidera namorala, meu amigo

2009-01-23T14:45:00.000+01:00

Esta fermosa canción é a escollida polo PSdeG para darlle son á campaña electoral dun xeito mais orixinal que o clásico himno socialista. Himno que, sen embargo, a militancia reclama nos actos, como xa tivemos ocasión de comprobar na proclamación de Touriño como candidato á Xunta de Galicia.

Os militantes se identifican con él, e lles gusta escoitalo. Pero sen dúbida, nós somos conscientes de que a orixinalidade é a que marca a pauta de comportamento dos socialistas nos tempos que corren.

Somos afortunados, por outra banda, de contar co apoio e a axuda da sempre posta en tela de xuizo polos nosos oponentes "Sociedad General de Autores e Editores", que de seguro se portará ben con nós desta vez igual que o fixo anteriormente.
No niño novo do vento será a banda sonora da nosa victoria electoral o 1 de marzo. A música posta por Luis Emilio Batallán a un poema de Cunqueiro, e versioneada para nós por Xoel López, o líder de Deluxe, encherá de boa sintonía a campaña, que boa falla fai despois das trafulcas tidas por mor das listas electorais.

A música sempre alegra os tempos de crise, e nós contribuiremos a que así sexa.

¿Se cree Espartaco?

2009-01-22T13:31:00.003+01:00

E este home se cree Espartaco... veremos despois do 1 de Marzo.

Fotocopias e emigrantes

2009-01-22T12:35:00.002+01:00

A medida da presentación das fotocopias do DNI ou Pasaporte xunto co voto por parte dos emigrantes, non está gustando nin aquí nin aló.

Unha medida que o Candidato do PPdeG reclamou como "a garantía", mentres que non se vote en furna.

Menuda garantía, nós dicimos que iso non serve para nada, que se hai irregularidades que tamén se toleraron no goberno do PP, seguirá habéndoas agora aínda tendo que presentar as fotocopias da documentación, que, por outra banda, moitos non teñen.

Dende logo, compartimos a postura de Touriño ao dicir que éste non é o momento de tomar este tipo de medidas que restrinxen un dereito que en Galicia nos vai favorecer a todas luces.

Postura tamén compartida polos emigrantes, que o que queren é votar en furna e non que se lles moleste con mais papeleo do que xa teñen que facer.

Ferrol sairá da crisis empresarial

2009-01-21T16:14:00.004+01:00

Ferrol é a vila por excelencia onde máis fondamente deíxase notar unha crise económica. Ben coa reconversión industrial de comezos dos setenta, ben coa recesión económica de mediados dos noventa, ou ben coa "desaceleración económica" que está a vivir Galicia nestes tempos. E todo isto o sabe Touriño.

Por elo, "o presidente de todolos galegos" estivo onte en Ferrol para facer balance do feito co plan que se puxo en marcha fai xa catro anos e estudiala situación empresarial das comarcas de Ferrolterra, Eume e Ortegal.

Touriño destacou que a acción do Goberno da Xunta permitiu a creación de 1.792 novos postos de traballo gracias ós préstamos concedidos ás empresas. Ademáis afirmou que se puxeron en marcha as medidas pertinentes para continuar pola senda da creación de emprego na comarca ferrolana e evitar que a crise económica volva a golpear históricamente esta vila industrial.

Estas palabras de avance e progreso non foron apagadas pola manifestación secundada e convocada pola CIG trala desaparición de cinco postos de traballo na Casa do Mar ferrolán, ó que o Touriño, como non podía ser doutra forma, restoulle importancia.

Ante a provocación, resposta

2009-01-21T15:15:00.003+01:00

O aspirante a Presidente, Alberto Núñez Feijoo, debe pensar que é tan bó na oratoria e na retórica, que nos asusta debatir con él.

Xa lle demostramos no seu momento que Touriño sabe defenderse sen ningunha dificultade ante os seus ataques sen razón, e que non lle da medo enfrontarse a él nos retos dialécticos que sexan. E por iso, por unha banda, non temos a necesidade de pasar probas de lume en debates a dous coma se isto fose unha jinkana dun concurso televisivo.

De sobra sabemos que Feijoo ten medo de non sacar a maioría suficiente para gobernar e de que o seu partido o convirta nunha ex estrela sen brilo.

O debate debe ser a tres, non atopamos motivos para excluir ao noso socio de goberno , o BNG, dunha cuestión que nos atinxe a todos.

Aínda así, por outra banda, coidamos que o Presidente debería aceptar tal encontro cara a cara, xa que doutro xeito, nun xogo demagóxico, están a facer que pareza que temos medo, e son eles os que deberían telo. Nós non temos por qué ser víctimas de temores e de pantasmas que outros pariron.

Dende Socialistas na Vangarda, animamos a Touriño a plantexar un debate con Feijoo, e a demostrarlle que o Partido Socialista está onde está porque ten motivos suficientes para estalo. A demostrar a Galicia que non hai alternativa mellor que a continuidade do goberno bipartito liderado por nós.

Podemos!

Continúa a polémica en Vigo

2009-01-20T11:14:00.003+01:00

Na cidade olívica continúa a polémica entorno ás decisións que se tomaron no Puerta del Camino o sábado respecto aos candidatos que acudirán ás furnas en postos saíntes na lista do PSdeG pola provincia de Pontevedra.

Hai sectores cun cabreo considerable que non fai mais que crecer a medida que se achega o 1-M, sectores que non están pola labor de deixar pasar un atropelo semellante coma o de deixar fora do Parlamento á que nesta lexislatura o presidiu amosando que é unha persoa preparada para afrontar calquera reto.

Aínda así, Touriño decidiu deixarse manipular polo sector interesado en introducir de novo a Abel Losada no Pazo do Hórreo, cuio líder é o Alcalde Caballero.

Nós queremos darlle un guiño de apoio a Dolores Villarino, xa que a renovación entendemos que ten que facerse en consenso, e por suposto, non deixándose manexar por uns poucos con intereses particulares, e menos aínda, metendo a presión aos novos fichaxes de nº2 contra a evidente vontade das asambleas feitas nas distintas locais.

Touriño está cometendo o erro da súa vida, polo que xa temos noticia de que perderá uns cantos votos de militantes disconformes con cómo se están levando as cousas no Partido ultimamente.

Aínda veremos cómo segue esta historia, que non ten trazas de rematar ben.

O PP non conseguirá a maioría absoluta

2009-01-19T23:21:00.004+01:00

Iso é o que están a dicir todas as enquisas, sen ir máis lonxe, a publicada hoxe na razón na que segundo eles o PP sacaría entre 35 e 37 deputados.

Pero non toda sonrisa é boa porque segundo os sondeos o BNG sería a única forza que subiría en votantes e escaños con respecto ás pasadas eleccións autonómicas. O estudio reflexa que haberá uns 15.000 ex-votantes socialistas que votarán ós nacionalistas.

O único positivo dos sondeos é que o Partido Popular gañará as eleccións pero non lle será suficiente para gobernar en solitario mediante maioría absoluta. O PSdeG sacaría entre 24 e 25 escaños que sumados ós 14-15 do BNG daría suficiente para voltar a gobernar en coalición.

É incomprensible como a xente poida creer e aumentar a súa confianza no BNG cando está a demostrar que é imposible levar a cabo calquera medida ou acordo con eles. Que se a imposición lingüística, que se o concurso eólico, que se as galescolas, en fin, os galegos aínda teñen máis de un mes para reflexionar.

Mais, mais e mais

2009-01-19T11:15:00.000+01:00

Mais axilidade coa Lei da Dependencia, mais galescolas, mais xulgados de violencia de xénero, mais transparencia na Administración.

Todas estas promesas abrían a precampaña electoral onte en A Coruña, onde o noso Presidente se comprometía a darlle continuidade ás políticas sociais postas en marcha dende a Xunta de Galicia presidida polo PSdeG.

Púxose de manifesto a necesidade de contar cos colectivos sociais para dar traslado ao futuro goberno de Galicia das necesidades coas que se conta e que moitas veces non se ven dende o poder.

Deste xeito ábrese unha nova etapa de melloras, de avances sociais, que o Partido Socialista comprométese a seguir facendo, sempre ao lado dos que mais axuda precisan, coma sempre fixemos.

O automóbil non levanta cabeza

2009-01-18T18:28:00.005+01:00

As cousas pónse cada vez máis feas en Vigo. Como todos sabemos a cidade olívica vive principalmente en torno a dous grandes sectores que poñen a Vigo no mapa e son o motor e o día a día da cidade: a pesca e o automóbil, ou o que é o mesmo, Citroën.
Como nos invade un sentimento de pesimismo e desaprensión, simplemente me vou dedicar a plasmar a noticia reflexada no Faro de Vigo e que coñeciamos na maña de onte:

"O anuncio da supresión de 900 empregos máis na factoría de Citroën en Vigo e a previsión das empresas auxiliares de perder 2.000 postos de traballo como consecuencia desa medida son dúas pésimas noticias para empezar o ano.

A multinacional francesa acaba de confirmar algo que ata agora era un temor latente en toda Galicia: as medidas adoptadas para afrontar a crise son insuficientes e, xa que logo, son necesarios novos recortes na produción e o emprego. Ademais de suprimir eses case mil empregos, a compañía anunciou que a partir de abril se cancelará a quenda de noite, que a factoría permanecerá pechada do 20 de febreiro ao 9 de marzo e que, pese a todas esas medidas, non descarta aplicar expedientes de regulación de emprego.

Cos recortes xa efectuados e cos anunciados o pasado xoves, o persoal da planta automovilística de Balaídos quedará en 6.800 traballadores, un 30 por cento menos que fai un ano. Asínaa gala rebaixou aínda máis a súa produción prevista para 2009, que por vez primeira na última década quedará por baixo da barreira dos 300.000 coches, un 45 por cento menos que 2007, o ano de todos os récords, cando a crise aínda non asomara pola porta".

Creo que millor é non dicir nada máis pola miña banda, os datos falan por sí sos.

A mellor candidatura non se cambia, refórzase

2009-01-17T15:45:00.000+01:00

Esas foron as palabras coas que nos deleitaron hoxe pola mañá no hotel Puerta del Camino en Santiago de Compostela.

Alí aprobáronse definitivamente as candidaturas do PSdeG para o Parlamento de Galicia, nas que vimos cómo históricas do Partido coma Dolores Villarino víronse relegadas ao olvido por recén chegadas que concurrirán de número dous.
A pesares da oposición da militancia, que manifestamente dixemos que NON a este atropelo nas asambleas celebradas nas diferentes locais, tivo que ser, e foi. Pues bueno...

Pero os comentarios que se fixeron ao remate do Comité foron moitos deles entorno á frase que titula este post. Relevo xeneracional quererán dicir en postos de recheo... se é así si, pero en postos de saída de renovación mais ben pouca, por non dicir nada, e iso de relevo xeneracional... vexamos onde queda.

¿Voto emigrante legal ou non?

2009-01-16T01:17:00.004+01:00

O presidente da Xunta, Emilio Pérez Touriño, reprobou hoxe o "fraco favor" que se fai a Galicia ao "poñer en dúbida o resultado das eleccións" en relación coas garantías coas que conta o voto emigrante nos comicios galegos do 1 de marzo.

Na roda de prensa posterior ao Consello da Xunta, preguntado polos xornalistas sobre esta cuestión, o máximo mandatario galego asegurou que "o resultado electoral decídeno os galegos cos seus votos" e está "garantido democráticamente".

"A estas alturas non podemos nin debemos utilizar determinados elementos na campaña electoral, como é poñer en dúbida o resultado electoral", censuró, visiblemente molesto, tras o cal decidiu finalizar a roda de prensa.

Deste xeito, o xefe do Executivo galego rehusó dar contas sobre a información que publica hoxe Xornal de Galicia, que recolle o caso dunha muller que 'votou' desde Bos Aires durante as anteriores eleccións xerais, malia que levaba dous anos falecida.

A campaña do século

2009-01-15T21:46:00.003+01:00

Onte, Mar Barcón e Ricardo Varela presentaron as liñas que seguirá a campaña do Partido Socialista nestas vindeiras eleccións autonómicas envoltas na néboa da crise.

Será unha campaña marcadamente presidencialista, que destacará a imaxe do Presidente Touriño como o salvador de Galicia nunha época escura na que o paro crece e a crise escribe o guión das vidas dos galegos e galegas.

Unha campaña que contará co despliegue de medios preciso para facer chegar a mensaxe a toda Galicia: vallas publicitarias, espazos publicitarios diarios en televisións e radios, sen esquecer a prensa escrita e dixital.

Un auténtico torbellino publicitario dirixido por unha das empresas madrileñas mais prestixiosas do panorama nacional, que non escatimarán en nada para acadar o noso obxectivo: a Presidencia.

Se despois disto aínda quedan dúbidas en alguén para decidir o seu voto, sempre quedarán as estratexias de sempre, mais tediosas e mais invisibles que as que veremos a partires de hoxe.

Touriño, traballo traballo traballo

2009-01-15T16:06:00.001+01:00

Esta é a presentación de Emilio Pérez Touriño como candidato á renovar a presidencia da Xunta de Galicia.

Quid pro Quo

2009-01-14T12:48:00.000+01:00

Esta expresión , que provén do latín, significa "algo por algo". Sospeitamos que a fraseciña é moi utilizada estes días na cidade de Vigo, onde MªXosé Caride non foi aceptada como candidata ao Parlamento de Galicia, pero que recibirá os apoios precisos como faga falla. Esa é a promesa que lle fixo Abel Caballero a Touriño.

Claro que, ninguén da nada a cambio de nada, e, como versa o noso idioma mater, douche se ti me das. Veremos cál foi o acordo co tempo...

Está ben o choio, pero as bases falan alto e claro, como xa apuntamos onte. O problema é que moitas veces non nos escoitan, e xa se están buscando fórmulas que permitan que, a pesares do rexeitamento da militancia a esta maniobra, se faga de tódolos xeitos.

Entón, ¿para qué se molestan en facer asambleas se logo non se respeta o seu resultado?

As bases falan alto e claro

2009-01-13T15:02:00.003+01:00

E nelas se está explicitando de xeito contundente que o desexo maioritario é que o Partido conte coa xente que traballa para él sen pedir nada a cambio, pero sen dúbida, agardando por algo en pago por ese traballo desinteresado nas bases durante tanto tempo.

Que de repente agora se pretenda meter con calzador aos Conselleiros nas candidaturas ao Parlamento de Galicia, non está cuaxando moito, e está xerando incomodidades impropias dun partido que sempre contou, ou esa era a idea, coa xente da rúa, que representa á poboación que os vai votar nas furnas.

¿Por qué esa imperiosa necesidade de incluir a Mª Xosé Caride na lista de Pontevedra? xa se deixou claro que non gusta, que non cala, que non chega aos militantes socialistas, que hai mais xente mellor ca ela para liderar unha candidatura.

Os Conselleiros están copando os postos de saída e isto o único que vai traer, como xa se viu onte na asamblea de Vigo, é tensións internas que nada conveñen nesta época. A impugnación da votación de onte, é só o principio dunha longa loita das bases por recuperar o protagonismo que merecen.

Xa o dixemos e volvemos a insistir. Mentres o PSdeG non conte cos traballadores de toda a vida, irá perdendo pouco a pouco, irá minando a moral das persoas que día a día, incansablemente, loitan polos ideais socialistas, e non por sí mesmos.

Con Lobeira se saltan a norma

2009-01-12T22:27:00.004+01:00

Os estatutos do Bloque limitan o número de legislaturas dos seus deputados polo que a Bieito Lobeira tocáballe cambiar de aires.

Pero claro, prescindir dun dos mellores arietes nun momento tan decisivo é como sentar a Messi no banquiño no partido no que se xoga a Liga, e Anxo Quintana non está para permitirse estes louxos de cara ás eleccións autonómicas polo que como dixo o dirixente nacionalista, sempre hai unha excepción que confirma a regra.
Imos, que Lobeira repite. Xa lles adiantamos, vai de cuarto por Pontevedra.

E xa saben, se hai bipartito de novo e ao BNG tócalle no reparto a consellería de Pesca, xa saben quen vai ser o conselleiro.

Segunda parada de Touriño en Vigo

2009-01-12T21:29:00.006+01:00

Logo de ser arropado polo Presidente do Goberno José L. Rodríguez Zapatero no arranque de campaña en Orense, Emilio Pérez Touriño estivo onte en Vigo dentro da súa campaña como candidato ás próximas eleccións do 1 de Marzo.

Touriño fixo unha referencia moi especial neste acto (que tiña un contido esencialmente económico), ao seu compromiso de que de gañar as eleccións, dará un firme impulso poñendo en marcha as directrices para que a ordenación do territorio sexa unha realidade canto antes.
Para iso creásense áreas metropolitanas para o norte e o sur da comunidade dentro do plan configurado por Política territorial coa creación de dúas áreas funcionais norte/sur, coas tres grandes áreas urbanas e os nodos para a recuperación do territorio.

Desecha pois, a constitución do Área Metropolitana que demandaban os veciños que a través dunha recolleita de firmas (unhas 15.000), da Federación Vecinal "Eduardo Chao", que pretendía a consecución dun debate no parlamento Galego. Esta iniciativa xa non foi posible por ser disolto o Parlamento tras ser convocadas as eleccións.

Hai que recordar que estas formulacións non son os consensuados coa proposta do -Vigo 28- que suscitara Abel Caballero como candidato a alcalde ás municipais do 2007 e que compartía o propio Touriño. Tambien o Sr. Mendez Romeu, Conselleiro de Presidencia tiña a súa propia alternativa propoñendo un consorcio de servizos.

Así todo e pese as diferenzas, é de enorme importancia a creación das áreas metropolitanas en torno ós principais núcleos poblacionais e ecónomicos da comunidade como motor de futuras comunicacións e fusións.

Esperemos que non quede en "auga de borraia" e que o noso presidente Touriño poida cumplila súa promesa.

Delirios de grandeza

2009-01-12T11:59:00.000+01:00

Tanto PP coma BNG están completamente envoltos nun delirio onírico insólito se temos en conta a marcha de Galicia nestes 4 anos de progreso.

Os dous partidos afirman que van gañar as eleccións, e obvian o que nos parece que é a realidade: o Partido Socialista está en imparable avance, nunha ascensión cara un goberno que pretende ir a mais.

Os 39 escanos cos que soña o PPdeG non deixan de ser unha utopía coa que pretenden levantar os ánimos dunha tripulación baixa de moral. Mentres que o goberno nacionalista co que soña o BNG non deixan de ser o reflexo do temor das súas filas de baixar, e a esperanza de que, o que vaticinan as enquisas non poida cos ánimos dos votantes nacionalistas.

As declaracións de Quintana autoproclamándose case como Presidente da Xunta, e acusándonos de permitir que voten os mortos nos países que acollen emigrantes galegos, non só son completamente falsas, senón que tamén son ofensivas e indignas dalguén que comparte goberno con nós.

Non estamos seguros de que Quintana estea escollendo o mellor camiño nesta recén iniciada precampaña. Sería mellor para él que cambiara o disco.

Ánxela Bugallo non convence

2009-01-11T00:03:00.002+01:00

A conselleira de Cultura Ánxela Bugallo non contou coa confianza das bases do seu partido nin do seu presidente Anxo Quintana, polo que non concorrirá como número un nas listas pola provincia de A Coruña nas vindeiras eleccións autonómicas.

A cousa aínda se agrava máis ó saber que a deputada que concorría como número dous para conformar as listas do BNG por Coruña, Ana Belén Pontón sacou máis do dobre de votos na Asamblea Nacionalista celebrada a metade de semana.

Non deixa de ser sorprendente que a conselleira de Cultura non conte a día de hoxe co apoio do grupo máis próximo a Quintana, nin tan sequera coa confianza da persoa que a colocou no cargo, o propio Anxo.

Agora son moitos os rumores acerca de cales poideron ser os motivos polos que os compromisarios nacionalistas non depositaran a súa confianza en Ánxela Bugallo. Se di que o recente despido da consellería do que fora Secretario Xeral poido ser uns dos malestares xerais, xunto co apoio á Fundación Cidade da Cultura.

Chegan as eleccións e todos queren obter un sillón. A cousa acaba de comezar...

A Secretaria Xeral das XSG volve tirar das orellas ao BNG

2009-01-10T20:50:00.004+01:00

Loli Rodríguez Amoroso está decidida a poñer os puntos sobre os ies ao socio de goberno do PSdeG.

E para iso, volve cargar contra os nacionalistas que tamén forman coalición co PSOE no Concello de Fene. Semella que ao Bloque non lle sentou moi ben que os cidadáns de Fene lle retirasen o apoio nas furnas para acadar a Alcaldía, como estaban acostumados, e están tirando pedras contra o seu propio goberno municipal, facilitándolle tremendamente a laboura de oposición ao PP.

A trafulca viu esta vez motivada por unha obra encargada e posta en marcha polo anterior goberno liderado polo BNG, que contaba cunha subvención de 90.000€ da Consellería de Presidencia. Subvención que nunca foi empregada ao 100% en dita obra, pero que sen embargo foi xustificada e certificada como tal.

E como isto é ilegal, nós vémonos na necesidade de denunciar aos nosos socios de goberno... qué contradiccións ten a vida. De non ser pola ineptitude do BNG, agora non teriamos que vernos envoltos neste tipo de situacións, que a 7 semanas das eleccións non nos traen mais que dores de cabeza.

Deixámovos o enlace para que poidades ler a opinión que isto merece á nosa Loli.

http://blogdeloli.blogspot.com/2009/01/o-do-bng-non-ten-remedio.html

O castigado Meijón

2009-01-09T11:58:00.004+01:00

Segundo temos entendido, o actual Deputado socialista pola provincia de Pontevedra, Guillermo Meijón, que formou parte da anterior candidatura no posto 6, vai permanecer nel, se é que non baixa.

O bo de Guillermo, que fixo estes catro anos un traballo excelente no Parlamento de Galicia, non se vai ver recompensado polo esforzo feito, senón que, pola contra, vai ser considerado igual ou menos que nas anteriores eleccións.

O Presidente Touriño será o que encabece a lista pontevedresa, seguido dos Conselleiros que porá en postos de saída, mentres que os Deputados que desenvolveron un bo traballo non se verán recompensados, mais ben serán castigados por non ter sido caras mais visibles con tirón mediático.

Vemos que á hora de confeccionar unha candidatura, prima mais o popular que sexa un nos medios de comunicación ou o guapo ou feo que o xulguen, antes que a evaluación do traballo desenvolto.

Non entendemos os criterios que se siguen para deixar a Meijón relegado a postos baixos. Él ben merece subir nunha lista na que sobran personaxes e faltan persoas.

Ten todo o noso apoio Don Guillermo.

Falta "calado" político

2009-01-08T20:10:00.003+01:00

De imprevisión e improvisación podemos catalogar as políticas que nosos políticos viñeron desenvolvendo en relación co potencial comercial do porto de Vigo.

Comprobamos como pasa o tempo e todo segue igual. Non é de recibo que uns 300 buques ó ano teñan que refuxiarse nas Illas Cíes en espera, ata atopar un sitio de atraque nas instalacións portuarias.

Mentres, industriais e consignatarios non se cansan de repetir con urxencia a necesidade de dotar ó porto de máis amplas e mellores instalacións, de maior calado ect, que permita o atraque de crecente demanda de buques, os responsables do BNG refúxianse nas súas posicións tradicionais e radicais, contrarias ó progreso, bloqueando a necesaria ampliación.

Recordamos hoxe que xa o pasado 17 de decembro, nunha reunión co tenente de alcalde, Santiago Domínguez, a directiva da Federación de Usuarios deixáronlle abofé que a postura do BNG supón deixar a Vigo sen capacidade para competir coa cidade de A Coruña e Ferrol, cuxos portos exteriores estarán proximamente a pleno rendemento.

Por iso, emplazamos ó alcalde Abel Caballero para que colla as rendas e lidere unha saída a este caos portuario facendo entrar en razóns ó seu socio no goberno municipal. De non facelo con rapidez esta situación seguirá pasándolle factura ó principal motor económico da cidade, o porto.

Funcionarios amenazan a Quintana

2009-01-08T13:31:00.003+01:00

Varios funcionarios de diferentes órganos ameazaron a Quintana con facer público os texe-maneques que se están a levar a cabo dende a Vicepresidencia cos famosos "contratos de emerxencia".

Estes funcionarios din que non están dispostos a aguantar máis favoritismos cos afiliados, amigos e simpatizantes do BNG. Afirman que a meirande parte dos contratos que se están a dar de alta nos derradeiros meses son postos a dedo.

O BNG defendeuse culpándonos a nós de non cundir co exemplo e as reacción dentro do PSdeG non se faran esperar.

A cousa promete, e máis en época electoral.

Quintana segue soñando

2009-01-08T11:23:00.001+01:00

Anxo Quintana veu dicir hoxe que os galegos teñen que votar ao BNG para que éste poida ter o maior peso dentro do bipartito.

Esa é a súa aspiración, reeditar o bipartito, facer de nós o que quere como fixo ata o de agora.

Menos mal que o PSdeG ten outras aspiracións para Galicia. O PSdeG será quén de gobernar en solitario, de convertir a Galicia naquilo que comezou a facer 4 anos atrás, pero sen axuda dos nacionalistas, sen axuda dos que nos poñen en entredito cada día na prensa, dos que nos acusan de facer maniobras extranas co concurso eólico, dos que nos acusan de ter Conselleiros sen formación académica nin posibilidades políticas serias.

O BNG presume de dar estabilidade ao goberno galego, pero esa estabilidade dista moito de ser real e a súa xestión últimamente (coidamos que froito do nerviosismo das eleccións) redúcese a atacar ao Partido Socialista, ao seu socio, á chave que lle deu paso ao goberno. Sen nós non son nada, e, sen embargo, osan predecir un goberno con Quintana de Presidente.

Disolto o Parlamento

2009-01-07T23:45:00.005+01:00

Hoxe quedou oficialmente disolto o Parlamento de Galicia. A disolución foi publicada no DOG, Diario Oficial de Galicia, polo que os galegos e as galegas están chamados oficialmente a acudir ás urnas o próximo 1 de Marzo.

Esperemos que estes catro anos de presidencia socialista sexan suficientes para que os votantes galegos se den conta da importancia dun goberno de progreso, dun goberno en movemento e dun goberno que quere continuar coa política da comprensión e avance catro anos máis.

Para elo dende aquí, dende o noso portal, pedímosvos que sentedes a cabeza e votedes unha ollada cara atrás, pero especialmente pedímosvos que reflexionedes para que o PSdG poida gobernar en maioría, sin ter que depender do BNG.

Durante estes catro anos as constantes incomomodidades de gobernar con BNG fixéronse paténses. É moi compricado sacar adiante unha proposta co rechazo incesante do hasta hoxe socio de goberno.

Méndez Romeu en decadencia

2009-01-07T23:01:00.004+01:00

Xosé Luis Méndez Romeu non repetirá como cabeza de lista socialista nas eleccións autonómicas pola provincia de A Coruña. O seu lugar ocuparao a deputada e concexal Mar Barcón.

Deste xeito Barcon desprazará como número un ó actual Conselleiro de Presidencia e peso pesado no partido, cousa que ó parecer non lle sentou moi ben segundo membros da executiva do partido.

Pola súa banda, Mar Barcón segue escalando posicións dentro da estructura do partido e hai quen xa a considera a sucesora inmediata de Javier Losada, actual alcalde da Coruña, xa que este goberna en minoría e non foi quen de ocultar a grande sombra de Paco Vázquez.

Anxo Quintana e Carlos Negreira serán os seus contendentes. As recentes encostas sitúan o feudo coruñés como chave para o PPdeG de cara a recuperar a Xunta de Galicia, cousa que Barcón non vai permitir.

Dende aquí estaremos pendentes de como se constituen a totalidade das listas de cara ás eleccións do 1 de Marzo.

O impulso do cambio

2009-01-07T16:24:00.001+01:00

PSOE TV entrevista ao noso candidato á Xunta de Galicia para rematar de impulsa-lo cambio que se comezou vai 4 anos.

As autopistas non logran o "todos a unha, señor"

2009-01-05T16:03:00.000+01:00

É dabondo coñecido que unha das obras literarias máis importantes do insigne escritor Lope de Vega é Fuenteovejuna, obra teatral en tres actos onde no primeiro preséntanse os feitos e circunstancias, no segundo vanse desenvolvendo os feitos e no terceiro resólvense.

Como é sabido, trátase dunha obra de contido social e reivindicativo, que representa a rebelión do pobo, unido contra a tiranía e a inxustiza.

Traemos isto a colación, pola falta de consenso por parte dos tres partidos, -PSdeG, PPdeG e BNG,- para aprobar por consenso un texto basee para unha proposición de lei, a fin de reclamar ao Goberno Central o cumprimento dos prazos para a chegada do tren de Alta Velocidade a Galicia.

Ante esta falta de consenso, PP e BNG, estudan facelo eles sos sen contar co presidente da Xunta de Galicia. Esta posibilidade, tal como ao final manifestaron, presentarana aos seus respectivos grupos parlamentarios, que serán os que en última instancia decidan.

Cremos que do mesmo xeito que na obra de Lope de Vega, están moi claros os "feitos e circunstancias" en como se viño desenvolvendo o devandito AVE, agora o que faltaría sería o "Tercer Acto", é dicir, que se cumpran os compromisos contraídos polo Goberno.

Nun asunto de tanta transcendencia para Galicia como son as grandes infraestructuras, e máis concretamente no caso que nos ocupa, é necesario facer o noso o de Fuenteovejuna, todos a unha!.

O 1 de Marzo todos a votar

2009-01-05T15:14:00.003+01:00

O Presidente Touriño fixo fai pouco unha declaración institucional na que anunciou que xa está firmado o decreto de disolución do Parlamento de Galicia, constatando que a data das eleccións será o vindeiro 1 de marzo.

Touriño salientou que nesta data é importante que tódolos galegos e galegas vaian a votar, a exercer o seu dereito democrático ao voto, para escoller aos representantes e gobernantes que dirixirán Galicia durante os próximos 4 anos de proxecto ilusionante.

Deixou claro tamén que, nesta lexislatura, o Goberno galego foi transparente e non houbo escurantismo,a pesares das continuas críticas da Oposición ao respecto.

Touriño destacou a importancia de coidar o galego coma idioma propio e de facer del un vehículo de convivencia. Finalmente suliñou de novo a necesidade de permanecer unidos, xa que a separación debilita, facendo así un guiño ao BNG, que nestes tempos que corren parece que non se sinten demasiado unidos a nós...

Quintana e o seu dobre discurso

2009-01-05T02:51:00.000+01:00

O Vicepresidente da Xunta de Galicia ten moito valor ao falar da maneira que fala con respecto ao futuro resultado electoral.

Quintana dixo coa boca chea (non entendemos moi ben por qué) que aspira a que a Presidencia da Xunta de Galicia sexa para o BNG... delirios de grandeza do responsable nacionalista, xa que é imposible por mera lóxica.

Pero non só contento con esa proeza, dixo ademais que quería "mellorar os mecanismos de corresponsabilidade transversal do Executivo, independentemente de que se traballe en áreas distintas"... ¿terá idea Quintana de que o primeiro que debería mellorar a responsabilidade á fronte dun goberno de coalición coma o Bipartito é él mesmo? ¿Terá idea de que atacando ao Partido Socialista non se logra unir, senón separar? ¿Terá idea de que agora mesmo non nos convén abrir brechas na posibilidade mais que plausible de reeditar o pacto?

Alguén debería dicirlle que o primeiro exercicio de responsabilidade é coidar que non se produza unha victoria do PP, non subestimar esa posibilidade e asumir que somos un equipo, e non ter un dobre discurso que emprega cando mais lle convén segundo lle convén.

Os bolsillos valeiros e en números vermellos

2009-01-04T00:03:00.003+01:00

Hai que asumir e facer nosas tamén, as protestas xeneralizadas e o rexeitamento ás subidas desproporcionadas e inaceptables de artigos e servizos de primeira necesidade, que día si e outro tamén, anúnciansenos continuamente.

Para un momento de crise como o que padecemos nestes momentos, outro despropósito máis, acábase de anunciar: a subida da peaxe na AP- 9 dun 4,4 %.

Mentres PP e BNG, culpan a Magdalena Álvarez como responsable de fomento da autorización de devandita subida, nós desde aquí cremos que é Touriño, quén non debe permitir que Audasa exceda do IPC previsto, -un 2 %- e moito menos que se suba o prezo dos peaxes máis do dobre do IPC.

De pouco serve o que se nos anuncie unha xenerosa repartición da torta orzamentaria para con Galicia, se doutra banda, ben sexa por vía directa ou indirecta, baléiransenos os petos con aumentos de todo tipo, -neste caso de peaxe-, ademais dun pésimo servizo como se está a acontecer ultimamente, numerosas retencións, falta de previsión metereolóxica, ect.

Así é todo, Presidente Touriño, cremos que non podemos permitir que en tempos de crise os bens e servizos básicos teñan unha subida desproporcionada en relación coa subida dos salarios. Non nos podemos permitir facer unha viaxe de ida de Santiago a Vigo e pagar 7 euros so en peaxes.

O Discurso íntegro de Touriño

2009-01-03T10:32:00.000+01:00

O Discurso do Presidente despide o ano con optimismo

2009-01-02T22:50:00.007+01:00

Cando remata cada ano, o Presidente da Xunta de Galicia emite o seu discurso dirixido a tódolas galegas e tódolos galegos. Un discurso que este ano non defraudou.

Touriño expuxo que Galicia non escapou da crise económica, que nos veu posta, e que coas súas múltiples iniciativas, coas ideas para paliala no noso país levadas a cabo polo Partido dos Socialistas de Galicia, logrouse que os seus efectos non se notaran tanto.

Coma propósitos para o aninovo, o Presidente comprometeuse a poñer mais esforzos na loita contra a violencia de xénero, a todas luces insuficientes dado o elevado número de mortes que hai, e na mellora da seguridade vial, ámbito no que se están a segar demasiadas vidas de xeito absurdo.

Pero o que nos gustaría salientar aquí é o chamamento á unidade que Touriño fixo no discurso. Un sentido chamamento a alimentar as caldeiras deste tren en marcha... Preguntámonos por quén iría isto: ¿polo PP, o partido da Oposición, ou polo BNG, o noso socio de goberno? Tal e como están as cousas agora mesmo calquera resposta sería posible.

Galicia necesita Máis e Mellor

2008-12-31T00:08:00.000+01:00

Estamos asistindo a unha notabale disparidade de criterios PSOE-BLOQUE, en relación á reforma do financiamento autonómico cuio borrador presentouno recentemente o Ministro de Economía, Pedro Solbes.

É doado entender que nun asunto de tanta importancia para Galicia, os dous socios de Goberno terían que ter un posicionamento común, unha unidade de criterios para poder defender con firmeza a nosa participación na "torta" do reparto autonómico.

Mentres a maioría das demáis autonomías teñen formulacións claras e van a polo gran que lles interesa, Touriño considera o reparto de positivo e razoable para os intereses de Galicia e asegura que o acordado "responde ás expectativas". Por outra banda, o socio de goberno, acúsanos de de "insuficiente e prexudicial para o noso país".

Entón, en que quedamos!. Nun asunto de tanta transcendencia non cabe lugar á improvisación nin a división das peticións a realizar en Madrid. Un goberno autonómico ten que ter, en asuntos de tanta envergadura, unha posición clara e precisa do que se pretende e quere facer valer. Non é de recibo para os xuros de Galicia o que se vaia a negociar e ó final, nós digamos unha cousa e o socio de goberno outra.

Esta división tan manifesta, coloca a Galicia nun lugar de inferioridade respecto doutras comunidades, ante os nosos propios cidadáns e, se non queremos dar a razón ós que critican de que hai un "bigobierno" ou "dos gobernos distintos na Xunta", non podemos estar en desacordo na defensa dos intereses de Galicia.

Temos que pedirlle a Touriño unha maior exixencia neste eido. Galicia non é unha comunidade de segunda. Galicia necesita un mellor financiamento.

A tortas co voto emigrante

2008-12-29T23:41:00.004+01:00

Unha vez máis volvemos ter unha imaxe de confrontamento entre o noso partido e o BNG.

O vicesecretario xeral do PSdeG-PSOE, Ricardo Varela, culpou hoxe ao BNG de "querer eliminar o voto da emigración" porque é un sufraxio "no que hai anos traballa" para ter presenza e "non o conseguiu".

Varela replicou deste modo ao coordinador executivo do BNG, Francisco Jorquera, que acusou os socialistas de "manter un dobre discurso para evitar esta reforma por intereses electorais".

"A diferenza entre o BNG e o PSdeG é que nós queremos regular e o BNG quere eliminar o voto da emigración, porque é un voto no que hai anos que traballa para ter presenza e non o conseguiu, non consegue nos procesos electorais máis alá dun dous ou un tres por cento", acusou Varela, quen reprochou que ao Bloque "sinxelamente non lle interesa e pretende eliminar ese voto".

O dirixente socialista condenou o "dobre discurso" do BNG, un o que manifesta "aquí" en Galicia e outro "fóra". Así acredita como en Arxentina, Uruguai ou Suíza, os nacionalistas "defenden os dereitos dos emigrantes e aquí os elimina".

"Sería bo cando o BNG fose a Bos Aires ou Montevideo que lles dixesen aos emigrantes galegos o que din aquí en Galicia de que son uns votos vendidos ou vergonzosos", asegurou.

Promesas en tiempos de crisis

2008-12-28T11:21:00.000+01:00

A pasada semana viu Pepe Blanco a Galicia, concretamente a Ourense. Viu coa idea de templar os ánimos e subir a moral de cara ás próximas eleccións autonómicas nas que afirmou que o PPdeG perderá posicións frente ó PSOE.

Segundo José Blanco as cousas non marchan tan mal, así que podemos estar tranquilos...

Puñetazo na mesa do Presidente

2008-12-28T10:30:00.001+01:00

Touriño deu hoxe un puñetazo na mesa que se viña reclamando dende fai algún tempo.

Mentres a victoria nas próximas eleccións é cuestionada pola Oposición día si día tamén, o BNG adícase a plantar cara a quen non a ten que plantar: o PSdeG.

O asunto do concurso eólico xa comeza a cristalizar no exterior coma unha crise de goberno, pola falla de acordo entre os dous, algo non demasiado beneficioso nestres intres.

Xa se botaba de menos o punto sobre o i do Presidente neste desafío aberto de Quintana, que ás veces esquece que só ocupa o segundo posto, non o primeiro.

Decidido a resolver él o concurso eólico, Touriño recordoulle que a aprobación dos proxectos definitiva corresponde ao Consello da Xunta, que é quen ten que dicir a última palabra, e non o BNG, que con só 13 Deputados están a adoptar formas últimamente de Partido maioritario.

Veremos agora cómo manexa a situación Touriño. Nós non agardamos menos del, que tome o mando deste asunto tan polémico que nos está emborrallando a imaxe de xeito inédito, e que lle poña punto e final a esta sublevación tan rastreira e afán de figurar do BNG.

A roupa sucia hai que lavala na casa

2008-12-26T23:55:00.004+01:00

A pesar da proximidade das eleccións autonómicas temos que ter moito coidado con sacar á luz pública a roupa sucia do partido. Isto ven acolación porque parece que empeñámonos en airear os desacordos internos con enfrentamentos e trifulcas en público que nada nos favorece de cara os inminentes comicios do mes de Marzo.

O derradeiro desaforo o protagonizou o alcalde de Vigo, ó oponerse ó "Plan Sectorial Galego de Solo Residencial" máis coñecido como o "PGOM"e a disputa foi, unha vez máis, co noso socio de goberno, o BNG.

O BNG pretendía facerse cargo da adxudicación da vivenda protexida cousa que ó alcalde Caballero non lle sentou nada ben porque considera que lle compete a él.

Por unha banda Caballero entende que o PGOM é o marco adecuado para atender a demanda da vivenda protexida e quere que eses recursos sexan postos a disposición do Concello e sexa éste o que lidere a construcción de vivendas protexidas.

Por otra banda o BNG local, considera incomprensible que o alcalde poña impedimentos a dito Plan e trate de apropiarse do impulsado polo BNG dende a Xunta.

En definitiva, se non tiñamos bastante coa trifulca pública entre Aymerich e Lage, agora isto.

¿Qué ocorre en Arteixo?

2008-12-25T11:57:00.003+01:00

Agora que estamos case finalizando o ano, debemos facer unha reflexión sobor da peliaguda situación pola que estamos a atravesar en municipios como Arteixo.

A nosa desgraza é que as opcións de goberno que temos son por medio de pactos, xeralmente co BNG, ás veces, como nos ocorre en Arteixo, con Terra Galega. Formación, por outra banda, que non ten uns principios ideolóxicos que se achegan aos nosos, senón que van un pouco por libre, firmando pactos de goberno con quen mais lles convén en cada momento.

Con eles estamos expostos a que nos inviten a pasar á oposición en calquera instante.

Pero, indo un pouco mais en profundidade no que acontece neste Concello do Noroeste galego, atopámonos con que a Alcaldesa, Pilar Souto, rexeitou fai pouco, os planes de vivenda que a Xunta de Galicia tiña pensado aplicar neste e noutros municipios.

A 2 meses dunhas eleccións nas que nos xogamos moito, a mandataria local decide actuar por conta propia, pasando por alto a delicada e sutil crise pola que atravesa o goberno autonómico, e poñendo en entredito a política de vivenda de Teresa Táboas no momento menos axeitado.

Como ela, outros Alcaldes socialistas tomaron a decisión de botar terra por riba das pretensións da Consellería de Vivenda, a pesares de ter recibido ordes dos superiores de non poñer trabas aos nosos socios na Xunta.

A pregunta é obvia: ¿qué ocorre cos nosos Alcaldes e Alcaldesas, que están empeñados en afundir o barco das políticas que mais beneficios dan: as de vivenda? ¿Por qué o Presidente non lle pon fin a esta pequena e desapercibida rebelión contra o nacionalismo? Nestes momentos non debemos actuar para restar, senón para sumar. A Xunta de Galicia dependerá da nosa maña para achegar posturas, e non para alonxalas.

Rematemos ben o ano.

Apertura sen rematar

2008-12-24T18:55:00.004+01:00

A conselleira de Política Territorial, Obras e Transportes, María José Caride, inaugurou onte o treito de Autovía entre As Pontes e Cabreiros. Este tramo corresponde co anexo xa feito da autoestrada que vai unir Ferrol con Vilalba.

O tramo é tan só de 9 kilómetros e a súa inauguración viño chea de críticas e comentarios especialmente entre os membros da oposición. O PPdeG acúsanos de inaugurar unha autovía cando todavía lle falta máis do 20% da construcción. E a verdade que neste senso, un pouco de razón non lles falta.

A imaxe da Conselleira inaugurando un tramo de 9 kilómetros de autovía foi un tanto paradóxica. Non me imaxino construír unha autoestrada nova e inaugurala tres ou catro veces, a tramos de dez kilómetros cada un.

Esperemos que estas cousas so acontezan por estas datas de ledicia e optimismo.

Ditosa axente electoral...

2008-12-23T23:58:00.000+01:00

Mari Sol Soneira segue dando problemas co tema do axente electoral.

Nós preguntámonos por qué motivo segue estando no posto no que está, despois de todo o que ocasionou por mor da súa torpeza nas súas accións.

Neste tipo de cousas o estilo do Partido Socialista é sempre o mesmo, en España, en Galicia, e en todas partes: Non remover a ninguén do seu posto faga o que faga. A palabra DIMISIÓN é unha descoñecida que non mora no vocabulario habitual dos que antes pediamos dimisións por calquera cousa.

Seguimos reclamando o exemplo que precisa a cidadanía, o exemplo do bo facer e de acatar as consecuencias das nosas accións, sexan a as que sexan.

Non entendemos que se premie a alguén coma Mari Sol Soneira por malfacer, por mentir e por xogar coa imaxe do PSdeG nunha época na que xogar é o que menos se debe facer.

A non ser que todo isto teña uns intereses ocultos que non convén que se saiban, co cal quedariamos en evidencia de novo ante un electorado que non está disposto a perdoar mais erros desta índole.

Concurso eólico

2008-12-23T23:42:00.002+01:00

Nas derradeiras datas coñecíamos a noticia de que Galicia deixaba de ser a primeira Comunidade Autónoma na producción de enerxía eólica, en favor de Castela e León. A este dato, por desgracia, temos que sumarlle o conflicto provocado polo concerto público de empresas para a creación no futuro desta enerxía renovable na nosa comunidade. E isto, tamén nos toca moi de cerca.

A situación está a acadar niveis francamentes preocupantes. A transparencia tantas veces esgrimida como bandeira polo BNG, non está a ter aplicación práctica nos seus gabinetes. De feito membros do noso partido desconfiaron publicamente da limpeza do proceso, e isto non é precisamente unha noticia que poida xenerar tranquilidade ós futuros, e próximos á vez, votantes galegos.

O problema vén cando un partido que representa ó 18% dos galegos é o que está a xestionar e decidir o reparto dun negocio que moverá máis de 5.000 millóns de euros, que se di pronto.

O Presidente Touriño non se pode quedar de brazos cruzados, terá que tomar a decisión máis correcta para rematar con este conflicto e con esta falta de claridade no concurso eólico. E polo momento case que a mellor solución e parar o concurso e darlle unha volta de transparencia ó concerto de enerxía eólica.

SOCIALISTAS NA VANGARDA DESÉXATE UNHAS FELICES FESTAS

2008-12-22T09:24:00.001+01:00

¡SOCIALISTAS NA VANGARDA QUERE DESEXARTE UNHAS BOAS FESTAS E UNHA MELLOR ENTRADA DE ANO 2009!

¿Touriño vs Feijoo en A3?

2008-12-22T00:26:00.002+01:00

A directora dos servizos informativos de Antena 3 TV, Gloria Lomana, emplazou a Emilio Pérez Touriño e a Alberto Núñez Feijoo, a un debate cara a cara, con motivo da celebración das eleccións ó Parlamento de Galicia o próximo día 1 de Marzo.

O presidente dos populares galegos, Núñez Feijoo xa aceptou a proposta e agarda que o Presidente en funcións, acépteo tamén.

Para Alberto Núñez Feijoo, os cidadáns galegos teñen o dereito de escoitar cales son as alternativas de Goberno dun e outro partido, e según Feijoo, nada mellor que un man a man das dúas persoas que teñen posibilidades reais de presidir o próximo Goberno de Galicia."

Agora Antena 3 TV está á espera da confirmación do noso líder socialista, Emilio Pérez Touriño quen aínda non se decantou acerca da posibilidade da realización do debate e do que esperamos dende aquí que si aconteza.

Ben é certo que éste non é quizáis o mellor momento para Touriño, xa que dende a súa presentación como candidato, que por certo non contou coa presenza e o apoio do Presidente do Goberno, teme que o líder do PP, logre poñer en evidencia algunhas das políticas que se levaron a cabo dende o bipartido da Xunta.
Dende logo, o que si estou seguro, e que o debate televisivo ten que producirse. É moi importante para o electorado galego coñecer de primeira man, cales son as propostas e alternativas de ambolos dous grandes partidos nacionais e autonómicos.

As enquisas... ¿aliadas ou inimigas?

2008-12-21T16:58:00.000+01:00

Resulta ben curiosa a enquisa que nos fixeron chegar dende Ferraz, na que se reflictían uns resultados electorais mais ben difíciles de creer, aínda que todos esteamos desexosos de creelos.

En dita enquisa, saída do seo interno do Partido Socialista, emitían unha nova firma do pacto PSdeG-BNG que permitiu o cambio ata o de agora, cunha subida do noso Partido de dous Deputados, en detrimento do PP, que os baixaría.

Tamén se baraxa unha baixada mais leve dos da Oposición, en tan só un Deputado, acompañados dos nosos socios, que baixarían outro Deputado, no noso benficio.

Nós discrepamos dese análise dos resultados electorais, mais propios dun posto de pitonisa á que se lle paga para que diga o que queremos escoitar, que dunha obxectividade mais que precisa nestes intres.

Sabemos que tódolos partidos xogan con enquisas internas para animar o graderío das bases e que suba o ánimo do persoal militante, pero nesta ocasión vai facer falla mais que unha subida ficticia de 2 escanos para convencernos de que as cousas están así de ben.

Poderíamos facilmente dicir que a directiva do PSdeG está xogando a facernos creer que estamos a vivir nun mundo máxico, nun mundo idílico onde tódolos erros cometidos nesta lexislatura, tanto interna como externamente, serán recompensados cunha subida espectacular.

Unha SGAE agradecida

2008-12-19T18:38:00.007+01:00

Non debemos deixar pasar un tema tan polémico no seu día: o pago que temos que realizar á SGAE pola utilización das cancións dos artistas pertencentes a esta asociación.

Parécenos ben que se puxese o canon, a pesares das críticas do PP, que dicían que era o pago de Zapatero pola suposta axuda que lle prestaron dende a Plataforma de Artistas en apoio a Zapatero (PAZ). Os artistas teñen que vivir das súas creacións, musicais, literarias,... pero este imposto non debe ser aplicado de xeito arbitrario, cobrándoo segundo quén teña que pagalo.

É o caso dos actos políticos festexados ao longo de todo o territorio do noso país, nos cales ás veces empregamos o himno de cada partido, e outras veces, cando queremos ser mais modernos e diferentes, empregamos música de coñecidos artistas actuais.

Cando isto sucede, e coma todo fillo de veciño, temos que apoquinar a correspondente cantidade á SGAE. Sen embargo, isto non se aplica igual para todos. Nós, que predicabamos naqueles tempos nos que estabamos na oposición un trato igual, a supresión dos amiguismos e os privilexios, atopámonos con que, non só somos iguais, senón que ás veces somos peores dos que nos antecederon...

Preguntámonos, ¿por qué a Presidenta da Comunidade de Madrid tivo que abonar o imposto por empregar determinada música no seu Congreso Autonómico, e nós non tivemos que facer o mesmo por empregala no nosos Acto de Proclamación de Touriño coma candidato á Xunta de Galicia?

¿Non deberiamos predicar co exemplo se queremos poder falar con todo o peso da razón e da moralidade, sobre todo agora que veñen as eleccións? Non queremos mais enganos, nin mais caciquismos no noso país. Deixemos atrás os comportamentos de favoritismo e comecemos a ter un comportamento axeitado ao que somos: un Partido serio.

1-M eleccións

2008-12-18T23:32:00.004+01:00

Emilio Pérez Touriño púsolle fecha definitiva ós inminentes comicios autonómicos. Quédanos escasamente tres meses de duro traballo antes da decisiva cita electoral que finalmente será o próximo 1 de Marzo.

A reunión tomouse despois da celebración do Consello da Xunta onde confirmou a fecha das eleccións e onde ratificou que o Decreto convocarase entre os días 2 e 6 de xaneiro, coa conseguinte disolución do Parlamento. Asemesmo a campaña comezará o día 13 de febreiro, quedando dúas semanas de ardua campaña antes das eleccións.

O noso presidente afirmou que se encontra "esperanzado ante a nova etapa que xorde e dixo que lle pedirá a todolos galegos que sigan apostando por un goberno firme, serio e convativo".

Outra das claves do seu discurso xirará en torno ó continuismo pola senda do progreso e da modernización.

Touriño dixo tamén que é "optimista" e que non cree que o voto emigrante vaia a alterar con respecto ás anteriores eleccions autonómicas e concretou que viaxará a Bos Aires e Montevideo para o mes de febreiro como "candidato" a fin de celebrar mítines, respentado o código ético establecido polo PSdG e o BNG a fin de non utilizar electoralmente actos institucionais de ningún tipo durante o período electoral. Pasou moi de puntillas acerca de regulalo voto emigrante e dixo que iso era cosa de Congreso dos Deputados.

Estas foron as claves dun día moi esperado por tódolos galegos. Agora si é definitivo.

O 1 de Marzo, Touriño Presidente.

Amienemigos

2008-12-18T22:38:00.004+01:00

Ás veces preguntámonos se acertamos nos amigos que nos fixemos para sacar Galicia adiante. Preguntámonos a miúdo entre os afiliados ao Partido Socialista, se verdadeiramente non será peor para nós a longo prazo ter ó lado a un Partido mais interesado en gañar un puñado de votos que en conservar unha alianza que, en teoría, e se a memoria no nos engana, foi feita polo ben da nosa Comunidade, polo ben dunha terra que estaba farta de xestións mellorables, polo ben de Galicia, que precisaba dun goberno de progreso.

¿Onde quedou o progreso?

Progreso quedou reducido a que os nosos aliados no goberno de Galicia nos chamen corruptos.

Progreso quedou reducido a que os nosos socios na Xunta nos digan que mercamos sacas de votos nas oficinas de correos dos países nos que os emigrantes exercen o seu dereito ao voto.

Progreso quedou reducido que os nosos "compañeiros de viaxe" nos restreguen pola cara o caso da axente electoral acusándonos igual que se fosen a oposición.

Progreso quedou reducido a que nos insulten nos medios de comunicación chamándonos "insolventes políticos", acusandonos de mentir e instándonos a que calemos a boca.

Progreso quedou reducido a que cuestionen a nosa formación académica en público.

Parécenos que o único que conseguimos con isto é poñernos en evidencia ante o electorado que, dentro de tres meses terá que escoller a quén lle da a súa confianza.

De seguir así, seguro que non nos vai moi ben...

Mais zancadillas de Quintana

2008-12-17T14:51:00.007+01:00

Novamente temos que darlle a razón a Loli Rodríguez Amoroso cando fala dos puñais que nos clava o señor Quintana.

E temos que facelo obrigados polas críticas que está suscitando na oposición o feito de ter financiado o acto de mulleres organizado pola Vicepresidencia con fondos públicos.

Acto que non recoñecemos coma algo propio dun goberno, senón coma algo propio dun partido político en plena precampaña, xa que a él acudiron dirixentes do BNG da comarca do Deza, onde foi festexado o evento.

Alberte Maceira, Francisco Vilariño e Xoán Blanco, entre outros, non é que viñeran moi a conto nun acto de mulleres, a non ser que agochen un lado feminino tan remarcado como para que se lles invite a asistir.

Polo tanto, afirmamos con rotundidade que Anxo Quintana está a aproveitar o seu cargo na Xunta para promocionarse de cara ás eleccións, o cal demostra que non temos ningún tipo de control sobre o que, a día de hoxe demostra ser, é o noso rival político, que non o noso aliado, cada vez mais mergullado nunha campaña encuberta que nos está a perxudicar, sobre todo cando gasta o diñeiro en dar de xantar gratis ás 5.000 asistentes a Silleda.

Tiña razón a Secretaria Xeral das XSG, cando afirmaba que as iniciativas do BNG sonche mais ben poucas. Moito bombo e poco investimento no que teñen que invertir, logo critican ás Consellerías socialistas.

¿Onde quedou o noso entusiasmo e o noso himno?

2008-12-17T09:08:00.008+01:00

Atrás quedaron aqueles actos que, sendo igualmente multitudinarios, pechábanse coa melodía que representa o noso Partido, aquel himno que nos facía soñar cunha sociedade mellor, coa sociedade que todos desexamos. Hoxe, vemos que se prefire música extranxeira, nin sequera se promocionan grupo da terra, para pechar un acto de proclamación do noso candidato á Xunta de Galicia.

Quizáis foi o xeito que se atopou de animar á xente que estabamos presentes, despois de escoitar o discurso do Presidente.

Un discurso que ocasionou un pouco de somnolencia e de certa pesadez ós que se desprazaron ata Santiago para escoitar as palabras daquel no que creemos.
Esperabamos todos que foran palabras ilusionantes, cheas de emoción por verse coa confianza de todo o PSdeG depositada de novo nel, cheas de alegría, como soe ser o habitual, palabras que transmitisen a seguridade de que os problemas presentes vanse superar, palabras que alonxasen o medo á crise de todos nós.

¿Qué nos atopamos? atopámonos cun Presidente que parecía vencido polas circunstancias. Atopámonos cun discurso que, mais que unha inxección de optimismo, parecía unha desculpa polos erros cometidos.

Nós non saímos do acto cheos de ilusión e co convencemento de que imos gañar, o feel all right non nos chegou a calar. Mais ben saímos coma tódolos demais, co malestar no corpo e preparados para o peor...

http://www.youtube.com/watch?v=WzfLc5SFPsA

.

Prohibición ó botellón en Vigo

2008-12-16T23:10:00.005+01:00

Onte aprobouse en Vigo a lei que prohibirá o botellón nas principais zonas de marcha adicadas para este fin da cidade olívica.

Esta noticia non foi moi ben acollida polos donos dos locais de copas e especialmente pola xuventude. Tres das catro zonas de copas da cidade foron consideradas como "zonas protexidas" polo que quedou prohibido a cirulación de bebidas alcohólicas polas rúas.

Espazos como Churruca ou o Berbés e rúas habituais da movida viguesa como a rúa Loriga serán coa entrada en vigor da lei, zonas inhabilitadas para a práctica do botellón. As multas ascenderán a 750 euros en caso de infrinxir a norma polo que máis convén non arriscarse a tomar una copa na rúa.

As asociacións de hosteleiros xa mostraron a súa disconformidade e pediron unha revisión da lei.

A ver como remata todo.

Loli Rodríguez Amoroso cántalle as 40 ao BNG

2008-12-16T10:03:00.004+01:00

http://blogdeloli.blogspot.com/2008/12/esos-compaeiros-de-viaxe.html

Onte, navegando polo mundo blogueiro, vímonos sorprendidos co artigo publicado no blog da Secretaria Xeral das Xuventudes Socialistas de Galicia, Loli Rodríguez Amoroso, que se refería explícitamente ao Partido que actualmente supón a nosa chave para poder gobernar Galicia: o BNG.

O tono no que foi escrito o artigo denota un sentimento agochado por tódolos socialistas, prácticamente dende que comezou a lexislatura.

Referímonos a este post publicado por esta dirixente autonómica precisamente como recoñecemento á valentía que ten de facer público o que moitos pensamos: que este domingo, Touriño tivo unha baixada de pantalóns olímpica, no momento no que lle agradeceu a Quintana todo o seu traballo.

Nós preguntámonos, ¿qué traballo? porque un aliado fiel, un compañeiro de viaxe leal coma debeu ser o BNG, non debería verter as declaracións que verte na prensa contra o que está permitindo que goberne na Xunta: nós.

Máis que un compañeiro de viaxe, parece que é a oposición dentro do propio goberno. ¿Cando se darán conta de que sen nós non son nada? ¡NADA!

Touriño Presidente

2008-12-15T00:23:00.002+01:00

Emilio Pérez Touriño, actual secretario xeral dos socialistas galegos e Presidente da Xunta de Galicia, aceptou onte, ante a nosa presenza, nun acto desenvolvido no Auditorio do Palacio de Congresos e Exposicións de Santiago de Compostela, ser candidato ás próximas eleccións autonómicas.
Agradeceu, en primeiro lugar, a todos os compañeiros e militantes que conformamos o partido, o apoio e confianza que depositan nel a fin de compartir un proxecto de liberdade, “sen vos nada sería posible e, fixo estensivo ou seu agradecemento a “Ricardo, Mar e Pepe Blanco, sempre xuntos, sempre preto, sempre traballando, para todos… grazas á miña muller e ós meus fillos, que me acompañan na vida, grazas as conselleiras e conselleiros presentes non acto, ó seu traballo, tamén ó partido que sustenta a coalición de goberno”.

O Presidente quixo tamén agradecer ó BNG, “que colaborou con nós na tarefa do goberno", (aínda que isto non sexa de todo certo) .

Touriño definiu as políticas do troco en comparación co pasado: “Se algo está claro hoxe en Galicia é que este partido e este goberno representan o troco e todo o que a este asóciase, mentres que o PP segue a representar os valores opostos"; e añadiu entre as risas dos presentes, "por moito que queiran cambiar de careta, non son capaces.”

O candidato a Presidente enumerou unha serie de obxectivos logrados presidindo o goberno de Galicia: “Achegámonos a España e a Europa. Cada día creamos nesta lexislatura 92 postos de traballo, 7 de cada 10 ocupados por mulleres. En plena crise, temos máis dun millón douscentos mil ocupados. Temos ou nivel máis alto de ocupación dá nosa historia. A nosa taxa de paro estaba algo máis de 2 puntos por riba do paro medio de España, agoira está 3 puntos por baixo.” Ben é certo que despois destas verbas, non fomos poucos os que nos miramos con cara un tanto sorprendida...
Touriño basou a súa mensaxe en dúas palabras: "compartir Galicia". "Galicia só pode ser de todos os galegos e de todas a as galegas e non de aqueles que o queren soamente para sí". Con isto pretendeu marcalo eixe de distancia co seu socio de goberno actual.

Emilio Pérez Touriño finalizou a súa intervención aceptando a súa candidatura como candidato á Presidencia de Galicia entre a ledicia de todos os asistentes.

A verdade e que o acto desenrolouse nun clima de total compañerismo e confianza, aínda que emborronado pola ausencia de Presidente nacional do partido e Presidente de Goberno, Zapatero.

Mos mobilizouse, pero non foi suficiente

2008-12-13T11:34:00.005+01:00

No día de onte, puidemos asistir a un novo acto de usurpación ilexítima.

Entre berros, insultos e consignas coreadas polos asistentes ao pleno de Mos, apenas puideron levar o debate ata o salón onde se desenrolan os Plenos, votando sen case dar unha xustificación válida do por qué dese roubo.

Xa non temos palabras para calificar este desenlace predecido por todos, dabondo se dixo xa, en foros, en xornais, en radios... xa sólo nos queda lamentar unha vez mais dúas cousas.

A primeira é que se rachase co pacto nacional antitransfuguismo que unánimemente tódolos partidos firmaron para evitar censuras coma ésta.

A segunda é que sigamos mirando para outro lado cando contamos con cabezas de lista e dirixentes locais que non saben o que significa INTEGRACIÓN E UNIDADE.
Unidade que non se soubo manter no Grupo Municipal de Mos, provocando así o abandono dun Concellal, que, lexos de renunciar á súa acta, proseguiu no grupo mixto á espera dunha oportunidade que non lle soubo dar o seu propio partido.

Ante todo, os políticos que se precien de selo, teñen que saber manter unido ao grupo que fai que sexa posible o goberno. Isto é o que está provocando disgustos varios no seno do PSdeG, no que todo o mundo sabe que se disimulou pola falla de modos da súa cabeza visible mosense asistindo aos actos varios que se organizaron en rexeitamento pola moción de censura, pero no que se sabe que Mª Jesús Escudero non é o que se di, a mellor opción para voltar ás urnas nas vindeiras eleccións.

Anti-crisis europea

2008-12-11T23:28:00.005+01:00

O Presidente Zapatero, desprazouse a Bruxelas a fin de participar no derradeiro Cume da Unión Europea baixo a Presidencia Francesa. Neste cume Zapatero ten previsto defender a aplicación íntegra e rápida das medidas contra a crise financeira prevista no Plan Europeo que fora aprobado con anterioridade.

Os xefes de Estado e de Goberno da UE tratarán da aplicación dos 200.000 millóns de Euros que fora proposto por Bruxelas para poder manter a demanda e poder facer fronte á recesión económica.

Trataranse así mesmo outras medidas como a corresponsabilidad na achega que cada país deberá realizar en relación ó PIB.

A data de hoxe non está consensuado aínda como levar á práctica este Plan. Espérase que Alemaña saia da súa prudencia pois se cre que pode afrontar un plan de estímulo máis ambicioso, o que redundaría en beneficio de todos.

Tamén está previsto debatir o desbloqueo do Tratado de Lisboa, determinación de medidas sobre o cambio climático, o paro entre outras.

Parece, por fin, que o noso Presidente comeza a facerse un oco no concerto Europeo, cousa moi importante para o noso país dada a dependencia en todas as ordes, enconómicas, sociais, financeiras, ect que temos coas principais potencias europeas.

Mos-bilízate contra a moción

2008-12-11T17:07:00.008+01:00

Mañá é o gran día que o PP de Mos está agardando. O día no que Escudero será empurrada a abandoar a Alcaldía de Mos mediante unha moción de censura que aquí xa condenamos.

Pero hai quen di que a culpa non a ten toda a que aínda é oposición. Hai quen di, e non polas bases (aínda que tamén), que parte da responsabilidade de chegar a onde se chegou neste Concello da provincia de Pontevedra, non anda moi lonxe da Alcaldía actual.

Hai quen di que a soberbia e a altanería da que fai gala Escudero normalmente, cansou a mais de un, e provocou, ademais das brechas internas que sufre o Partido en Mos, a dimisión dun Concelleiro, grazas ao cal agora perderemos o poder que parece ser que tanto lle gusta.

Segundo nos achegan fontes fidedignas, o xeito de tratar á xente do propio Partido por parte da Alcaldesa non é o que se di, demasiado agarimoso.

Nós reclamamos que se poña fin a actitudes impropias do Partido Socialista, e se volte a unha humildade necesaria en política e aínda mais, nun Partido que debe seguir ao lado da xente.

Quizáis unha curiña de humildade non lle ven mal a esta señora. Para emerxer, ás veces hai que deixarse cair.

El Senado vota NO a los Presupuestos

2008-12-10T23:46:00.001+01:00

El pleno del Senado ha votado NO a los Presupuestos Generales del Estado con la oposición del Partido Popular y ERC.

El Presidente Zapatero reprochó al PP el que se haya alineado con ERC( Izquierda Republicana de Cataluña), "Lo que les preocupa es oponerse al Gobierno. Ayer fueron capaces, en la votación más importante del año, de dar su voto a ERC", ZP, le recordó al líder de la oposición, una vez más, las medidas adoptadas por el Gobierno para reactivar la economía y echó en cara a los populares que no tengan "ni plan, ni ideas, ni propuestas" para hacer frente a la crisis.

El Presidente fue más allá, y respondió a los reproches sobre la falta de confianza que, según Rajoy, genera su política económica, afirmando que el primero que debería generar confianza entre los suyos es el propio Rajoy.

¡Viva a República, morte ao Borbón!

2008-12-09T18:01:00.000+01:00

Corren malos tempos para a Constitución en Cataluña.

Mentres en Galicia se festexa a golpe de "moción de censuras non", en Cataluña se festexa a golpe de "Viva a República, morte ao Borbón".

Mentres que o primeiro está mais que xustificado, o segundo non o está tanto. Pensabamos que este tipo de accións non estaban de todo dentro da legalidade constitucional. Festexar o día da Constitución coa queima dun cadaleito e a vivo berro de morte ao Borbón... é un acto mais ca rexeitable. E, inda por riba, que teñamos que aguantar que nos tomen por parvos dicindo irónicamente que se refería a Felipe V... é o último que nos podiamos imaxinar. ¿Ata onde chegaremos?

O que mais nos sorprende é a pasividade coa que o Goberno recibiu estes feitos. Agora xa todo é normal, agora xa todo é aceptable e válido. Agora todo se considera liberdade de expresión e o censuralo, un atentado contra a mesma.

Pero o Partido Socialista sempre foi un defensor a ultranza da democracia e da Constitución, e non debemos tolerar este tipo de cousas por parte dun representante do pobo no Congreso dos Deputados coma o señor Tardà, sexa do partido que sexa.

Nós, dende logo, queremos condenar estes feitos, xa que parece que ninguén se inmuta xa por nada.

So dous de cada dez dependentes recibiron axuda

2008-12-09T16:34:00.001+01:00

Oito de cada dez grandes dependentes en Galicia non cobraron ni un euro da promesa realizada polo Vicepresidente da Xunta, Anxo Quintana.
Esto significa que hay 22.000 falimilias que están esperando pola axuda de 500 euros para poder facer fronte do coidado dun gran dependente en Galicia. Esta é a crúa realidade dos dependentes na nosa comunidade, nun tempo en que ser dependente parecía non significar ningún problema para Anxo Quintana.

A pesar destes datos, A Vicepresidencia móstrase satisfeita do realizado en máis de tres anos.

Non imos arroxar ningún dato máis, cada un que xulgue pola súa conta.

Loita contra ETA

2008-12-09T13:05:00.004+01:00

Nas derradeiras datas a loita contra a banda terrorista ETA está a dar os seus froitos. Onte coñeciamos a detención do novo xefe militar de ETA en Fracia, Aitzol Iriondo, así como outros catro membros máis involucrados en varios asasinatos acontecidos no país francés.

A estas detencións temos que sumarlle o arrestro do home máis buscado en España durante os últimos tres anos, Txeroki, acusado de manexar a banda terrorista dende o 2005.

Pero por desgracia non todo é ledicia. Á par que se detía a Txeroki, uns días máis tarde a banda criminal asasinaba de dous disparos a un empresario vasco en Azpeitia. Unha nova morte máis dun cidadán inocente que morreu por traballar na mellora das comunicacións da súa terra na que naceu e por non ceder ás presións dun reducido grupo de animais que utilizan o terror para conseguir os seus obxectivos políticos.

A pesar desta desgracia, hoxe vemos o futuro con máis optimismo, hoxe creemos que algún día os nosos fillos poderán traballar e pasear polo País Vasco tranquilos, hoxe temos a ilusión de que se pode rematar con esta lacra social pola que uns poucos amedrentan e condicionan a vida de mais de corenta e cinco millóns de cidadáns.

Por iso dende este portal, aplaudimos a nova política do noso partido. Con estes animáis non pode haber tregua, con estes desalmados non pode haber diálogo, con estes asasinos non pode haber concesións. Ten que haber unha loita común contra a banda terrorista ETA. O PSOE e PP deben estar unidos nesta loita.

Se seguimos por este camiño, o conseguiremos.

O 30 aniversario da Constitución é festexado en Mos como apoio a Mª Jesús Escudero

2008-12-08T23:27:00.003+01:00

O PSdeG decidiu levar a cabo o acto de conmemoración do 30 aniversario constitucional no Municipio de Mos, xusto onde o Partido Socialista vai ser víctima dunha moción de censura por parte do PP e dun tránsfuga que os vai apoiar.

Ante a presenza de varios Deputados Autonómicos, Mar Barcón elevou a súa voz en representación de tódolos socialistas que nos sentimos ultraxados con este roubo.

Xa veremos qué ocorre este venres no debate da moción, que agardemos non prospere.

Aínda así, teriamos que levar ás nosas conciencias un profundo examen e pensar se realmente o estamos facendo tan ben como para que algo de razón non teñan os que queren rachar co pacto antitransfuguismo. ¿Cómo podemos deixar que un Concelleiro noso se vaia das nosas filas? ¿Cómo podemos consentir que unha brecha se abra entre nós, entre compañeiros? Algo está fallando, e este problema que agora surxe no Concello de Mos pode surxir en calquera outro se non andamos con tino.

Queda aquí a nosa reflexión, e o noso chamamento á unidade do Partido, tan precisa e tan apreciada no noso día a día.

Instalacións públicas para todos

2008-12-05T19:44:00.004+01:00

O Concello de Lugo animouse ao fin a abri-las portas dos centros educativos en horario extraescolar para todo cidadán que desexo empregalos.

Esta medida é moi precisa para solventar problemas de insuficiencia de instalacións coma salas de estudio, salas de ordenadores ou instalacións deportivas, con custe 0€ para os usuarios.

Unha medida posta en marcha por un Goberno que se di responsable e preocupado polas necesidades da poboación.

A Xunta de Galicia colaborará con isto facéndose cargo do 80% dos gastos xenerados, tendéndolle así unha man á optimización dos recursos públicos para o 100% da cidadanía.

Sentidiño co que se fai

2008-12-04T23:57:00.000+01:00

Xa falamos do gabinete de asesores que o Partido Socialista vai crear para que os Alcaldes non teñan maiores complicacións á hora de levar a cabo as obras cos cartos destinados á creación de emprego.

Emprego preciso nestre intre, xa que Galicia está sendo azotada tamén polo látigo da crise e os ERE das empresas continuamente anuncian mais paro.

A idea dos fondos destinados ao emprego está moi ben, pero dende aquí queremos facer un chamamento á cordura para xestionalos.

Non deixa de ser un perigo que os mandatarios locais manexen este tipo de creación de emprego, xa se sabe que, independentemente da cor política, as tentacións son múltiples.

Ollo con isto, que pode ser unha baza para a oposición contra os propios creadores de emprego.

Pero nós queremos ir mais aló, e poñer sobre a mesa a incoherencia de que eses empregos sexan únicamente para obras. ¿Por qué non se destinan a axudar aos dependentes? Con iniciativas como a comida a domicilio, a colaboración nas tarefas do hogar das persoas con dificultades, etc, se solucionarían dúas cousas: a mellora desas persoas que precisan de axuda, e a creación de emprego sen que sexa únicamente para un sector da poboación maioritariamente masculino.

Dende aquí, desexamos que a reflexión leve a unha acción mais proveitosa para todos e todas.

O PSdG creará un comité de asesores para os alcaldes

2008-12-04T17:36:00.000+01:00

O PSdeG vai crear un gabinete de asesores para os alcaldes segundo acaba de facer público Ricardo Varela.

Ó parecer, o vicesecretario xeral do PSdG, xustificou a creación dunha rede de asesores afirmando que vai a ser de gran utilidade para a mellora dos proxectos a presentar polos alcaldes socialistas.
O PPdeG non tardou en saír á palestra afirmando que non da crédito á noticia. Acusounos de non ter vergoña por aumentar o número de asesores que xa de por sí é elevado segúndo o Secretario Xeral, Alfonso Rueda. Semella que non se paran a pensar que no seu goberno de maioría absoluta tiñan os asesores ao servizo deles nos despachos, e non ao servizo dos Alcaldes e Alcaldesas a pé de campo, como é de recibo.

Felicitamos ao Goberno da Xunta pola iniciativa e agardamos que lle saquen proveito de verdade.

Tres millóns de parados

2008-12-03T19:01:00.005+01:00

Onte coñeciamos a peor noticia posible en canto a número de parados. Por octavo mes consecutivo o paro aumentou un 42% con respecto a novembro do 2007 e alcanza os tres millóns de desempregados.

No último ano preto de 900.000 persoas quedáronse sen traballo, un volume demasiado abultado para unha economía incapaz de crear novos empregos. O sinal máis perceptible deste fenómeno é que o paro subiu na construción un 106%, co que suma máis de medio millón de parados.

Hay case 400.000 parados estranxeiros máis que fai un ano, mentres existe unha capa dun millón de desempregados sen ingresos.

Como xa falamos outro dos sectores onde tamén afondou a crise foi no sector do automóbil. Zapatero tivo antonte unha reunón en Madrid coas diferentes empresas do sector para propoñer un paquete de medidas que lle poña freo a esta situación.

O Ministro de Economía, Pedro Solbes, fixo público hoxe un balance no que asegura que o peor está por vir. Espéranos un ano 2009 moi difícil especialmente para aquelas familias que teñen a todolos membros no paro.

Non nos queda máis que seguir traballando para aliviar a forte desaceleración económica que nos está tocando vivir, o camiño é bo aínda que os resultados son compricados de lograr dada a dimesión do "crack".

En repulsa pola sinrazón, ETA NON!!

2008-12-03T17:01:00.003+01:00

Socialistas na Vangarda quérese solidarizar coa familia da nova víctima da barbarie, que foi asasinado en Azpeitia (País Vasco) hoxe pola mañán.

Nós defenderemos sempre a loita pola defensa dos principios e valores democráticos, unha loita levada a cabo a través da arma da palabra, e nunca coa imposición dictatorial da violencia física e impositiva que unha minoría intenta impoñer á maioría demócrata que compón o Pobo Vasco.

A nosa repulsa mais taxante a este novo crime que segou unha nova vida. A vida dun demócrata, dun inocente que, a pesares de verse ameazado polo terrorismo dunha secta cobarde como é ETA, quixo vivir en liberdade e desenrolar a súa vida con toda a normalidade que lle foi posible.

Ignacio Uría formará parte a partires de hoxe dunha tristemente longa lista de loitadores pola liberdade, de acción, de expresión e de ideoloxía.

Que nunca a liberdade se deixe doblegar pola imposición irracional duns poucos.

Baixan impostos, suben impostos, volven baixar...

2008-12-03T12:08:00.002+01:00

Estamos un tanto confusos ultimamente coas maniobras do Goberno Autonómico.

Todos sbemos que estamos a atravesar unha crise económica notable, todo o mundo fala dela, nos medios de comunicación, nas rúas, nos bares, nos despachos... e non creo que sexa menos nas Administracións Públicas.

Cada día están botando á rúa a moitos traballadores, a apis de familia, a xente con hipotecas, a xente con alugueres, ...

Estes días están falando de que baixarán os impostos ás persoas particulares. Parece correcta a medida. Hai crise, non se pode facer fronte aos gastos do mes.

Sen embargo logo saen de novo á palestra. Baixarán os impostos aos particulares, pero os subirán ás empresas.

Isto sería moi aceptable se non fora polo malo momento no que veñen estas medidas. Se os empresarios non poden facer fronte aos gastos que lles supón manter unha empresa aberta, e están continuamente con expedientes de regulación de emprego, deixando na rúa aos traballadores, ¿de qué serve que se baixen os impostos se igualmente non os poderán pagar?

Neste intre, precisamos unha Galicia de progreso, pero unha Galicia de progreso ten que ter emprego, crear emprego, non destruilo. Apoiar aos traballadores nestes instantes require apoiar tamén aos demais. Ás veces temos que soportar o amargo para saborear logo o doce.

Actividades educativas fora do horario lectivo

2008-12-02T20:12:00.005+01:00

Os estudantes poderan acudir ós centros educativos fora do horario lectivo. A Conselleira de Educación Laura Sánchez Piñón presetou onte unha proposta para garantir a formación integral do alumno e a mellora do éxito escolar así como a conciliación familiar e laboral das familias galegas.

Xa ía sendo hora de que os alumnos puideran acudir ós seus respectivos centros fora do horario estrictamente lectivo. Esta era unha demanda histórica das familias galegas que se acrecentou nos derradeiros anos e que a Consellería de Educación non se atrevía a levar a cabo polas reticencias do profesorado.

A medida afecta a máis de 145.000 alumnos e propoñe a realización de diferentes actividades lúdicas, deportivas, de entretenemento ou lectivas para todos aqueles estudantes que así o quixesen.

A proposta é moi ben vista polo colectivo estudiantil e polas APAS pero recoñecen que queda moito aínda que mellorar. Entre esas demandas están a apertura dos centros durante a fin de semana e a existencia de clases de reforzo extraescolar para todos aqueles que así o precisen, especialmente entre aqueles que teñen grandes dificultades durante o curso e que non teñen recursos para facer fronte a unhas clases particulares.

Non nos queremos esquencer do erro que se cometeu dende a Consellería de Educación acerca do novo decreto de educación implantado no Bacharelato polo que un alumno pode avanzar de curso con ata seis asignaturas suspensas. Este sistema non garante o esforzo e o enriquecemento dos alumnos dada a escasa exixencia que se imparte nas aulas e provoca unha clara desvantaxe de cara ó acceso á universidade debido á enorme diferenza de nivel e conceptos entre ambos estudos, e máis coa entrada en vigor do Plan Bolonia.

XSG conmemoraron o Día Mundial contra o Sida

2008-12-02T14:43:00.006+01:00

As Xuventudes Socialistas de Galicia quixeron conmemorar o Día Internacional da loita contra o Sida recordando a importancia dos métodos anticonceptivos como medio efectivo para evitar a transfusión de enfermidades.

Este ano celébrase o vixésimo aniversario do Día Mundial contra o sida e as XSG non quixeron deixar escapar a ocasión para concienciar ós xóvenes e non tan xóvenes da importancia de practicalas relacións sexuais con protección.

O sida é unha das enfermidades que máis se extenderon nun menor tempo e que cobra millóns de vidas ó ano, especialmente no continente africano. En Galicia hay máis de 3.000 seropositivos e en moitos casos de xente que aínda non sabe que a ten ou que lla detectan dez anos máis tarde de collela.

Por iso, dende as Xuventudes Socialistas de Galicia fan unha campaña de concienciación acerca do sinxelo que é tomar precaucións.

Por un sexo de calidade, pon o preservativo.

¿Será suficiente?

2008-12-01T23:23:00.004+01:00

Fai seis meses dicíamos isto:

Hoxe en día o sector do automóbil aumenta en parados, a crise económica afóganos có encarecemento dos prezos e a suba das hipotecas, o porto de Vigo descendeu a súa actividade, o turismo diminuiu e a balanza comercial de Galicia co resto de España é cada vez máis negativa.

Este sentimento pesaroso xorde no día en que coñecemos que o PP empata en intención de voto ó PSOE en España e acércase a nós en Galicia.

Por todo isto, necesitamos ir máis alá, seguir no camiño de afrontala crise, de transmitir seguridade, no camiño de facer de Galicia, un lugar millor para vivir.

Estou convencido de que o conseguiremos.