¿Collerá Villarino o touro polos cornos?

A presidenta do Parlamento presentará mañá na Facultade de Ciencias Xurídicas de Vigo o libro 'O financiamento autonómico nos estatutos de autonomía'. Xunto a ela asistirán o alcalde da cidade, Abel Caballero, e a directora da publicación, Ana María Pita Grandal.

Este acto que parece non dicir nada, pode marcar un antes e un despois nun debate que trae máis dunha doenza a algún dirixente socialista xa que entre as señoras e os señores deputados existen diferencias que nalgúns casos chegan a ser insalvables.

Por iso, a opinión que mañá verta a presidenta do Parlamento e estandarte do socialismo galego, pode marcar o camiño e a opinión que manteña o PSdeG de cara ós próximos comicios.

Diga o que diga, Villarino non deixará indiferente a ninguén. Pode non dicir nada -que é o máis previsible- ou pode apostar por mollarse e defender os intereses de Galicia por riba das posturas de Ferraz que, según o visto ata o de agora, nin siquera son capaces de entenderse entre eles.