O Goberno destina 11.000 millóns a investimento público e creación de emprego

O presidente do Goberno, José Luís Rodríguez Zapatero, anunciounos hoxe que o Consello de Ministros aprobará mañá un Real Decreto lei cunha dotación extraordinaria de 11.000 millóns de euros, con cargo ás contas de 2008, cuxo fin será frear a destrución de emprego e reactivar a actividade económica.

Zapatero explicou que estes 11.000 millóns, que supoñen o 1,1 por cento do PIB, irán destinados a obra pública e equipamientos vinculados aos concellos, recursos cos que se espera xerar 300.000 empregos durante o próximo ano.

O presidente do Goberno dixo que 8.000 millóns irán destinados a un Fondo Extraordinario de Investimento Público no Ámbito Local, 800 millóns ao sector do automóbil, 600 millóns a actuacións medio ambientais, 500 millóns a I D i, 400 millóns a rehabilitación de casas-cuartel e comisarías, 120 millóns a rehabilitación de vivendas, 30 millóns máis serán para
incentivar o turismo social e 400 millóns para transferencias ás comunidades autónomas co obxectivo de mellorar o seu financiamento do sistema de dependencia.

Todo iso xeraría a creación, segundo Zapatero, de 300.000 postos de traballo.

A verdade é que estes datos son bastante alagueños. Durante o último trimestre os expertos económicos avisáronnos que no ano 2009 alcanzaríase o punto máximo da crise. Veremos se estas medidas son suficientes para afrontar ou aliviar a crise, pero dende logo o PP non nos poderá acusar de que non lle votamos cara á crise.